Dzindzimo 5:11 - Bhibhiliya Nya Guage

¹¹ Va na nengele vatshavbo va thavelago avbo gwago, va na kulungele kala gupindruga; uwe u ngu va vhikela, avo va nengela khu uwe, avo va golago lina lago.

Dzindzimo 5:11 Iomraidhean Croise

Joba 38:7

avbo dzithandra nya gugye dzi nga embelelago gumogo, ni sanana sa Nungungulu si nga bani si gu womba mikulungwane.

Dzindzimo 2:12

Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.

Dzindzimo 35:27

Va na embelele va nengela, avo va dwanelago gululama gwangu, va na ganele gikhati gyatshavbo, khavo: “A na rungudzwe Pfhumu Nungungulu, a tsakiswago khu gu dugelela ga githumi gyaye!”

Dzindzimo 40:16

Va na nengele va tsaka khu uwe vatshavbo avo va gu vbwetago; avo va golago guvbanyisa gwago va na nengele gikhati gyatshavbo, khavo: “A na khusedzwe Pfhumu Nungungulu.”

Dzindzimo 58:10

Muthu nya gululame a na nengela a gu wona na va gu phodzedwa va nya guvivba; a na hamba migondro novbani gwawe.

Dzindzimo 65:13

Mapani ma gu tala khu mitshambi, mikova yi fenengedzwa khu sivbila; vatshavbo va gu emba va kulungela khu gunengela.

Dzindzimo 68:3

Aholu va nya gululama va ngu nengela ngudzu, va ngu hana mbeli ga Nungungulu khu gutsaka.

Dzindzimo 69:36

Ni livelego la sithumi saye, li na khala thomba yawe, kholu, avo va mu golago va na vbaha umomo.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

1 Vakorinto 2:9

Aholu, kha nga yi ganelago Milowo nya Guage, khiyo: “Pfhumu dongisede ga vale va mu golago silo nya gu gima mwalo a si wonidego, mwendro gu sipwa, gambe mwalo a nga si pimisa.” Khiso esi Nungungulu a si dongisedego ga avo va mu golago.

Jakobe 1:12

Kategide muthu a timiselago gu lingwa kholu, hwane nya gu na lingidwe, a na hakha gihugu nya guvbanye gi nga tumbiswago khu Pfhumu ga vale va mu golago.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

Valamuli 5:31

Pfhumu Nungungulu, valala vago va na fise guralo, aholu, avo va gu golago va na khale nga lidambo, avbo li dugago khu tshivba yaye yatshavbo.”