Dzindzimo 5:10 - Bhibhiliya Nya Guage

¹⁰ Pfhumu Nungungulu, va rwege nandru wawe, va na thege khu makungo yawe, va tutumise khu kotani nya sighoho sawe nya singi, kholu va ngu gu wugela.

Dzindzimo 5:10 Iomraidhean Croise

2 Samuweli 15:31

Khavbo avbo, va diya tivisa Dhavhidhe, khavo: “Ayitofeli nuye womo mugikungoni gya Abhisalamo.” Dhavhidhe a di ganela, khuye: “Pfhumu Nungungulu, hafumula wusingalagadzi wa Ayitofeli, wu khala wupumbu!”

2 Samuweli 17:14

Abhisalamo ni vatshavbo va na Israyeli, va dipwa gikungo gya Husayi Muaraki nari gyadi gu vbindra gya Ayitofeli. Kholu Pfhumu Nungungulu a di gode gukhuye gi fuviswa gikungo nya gyadi gya Ayitofeli, gasi Abhisalamo a kodze gu thegedwa khu libango.

2 Samuweli 17:23

Avbo Ayitofeli a nga wonago gukhuye makungo yaye kha ma landriswa, a di ghabhatisa buru yaye, a khuga a hongola dhoropani gwawe. A di mana sileletelo satshavbo sa ndrangani gwaye; khu hwane aya dzi hunga afa, a dzingwa thowoni ga babe waye.

2 Dzikoronika 25:16

Na nga gu ganela muprofeti, mufumeli a di khuye: “Gasi va gu vegide gu khala moyo nya vasingalagadzi va mufumeli, gani? Degula! Wa gu vbweta gu songedwa ginani avba?” Khavbo avbo, muprofeti a di degula, aholu a di mu embela, khuye: “Nyi ngu dziti gukheni Nungungulu a dzi emisede gu gu mbembisa, kholu u giridego esi, u bwelo khavbo u si yingisi gulaya gwangu.”

Esiteri 7:10

Va di vbayega Hamani vbamadingotunu a nga bani a ma tsitside gasi gu vbayega avbo Moridhekayi. Khavbo li bosidego likhulo la mufumeli.

Dzindzimo 10:15

Fuvisa tshivba ya va nya guvivba ni sighohi, tsayisa guvivba gwawe, kala gu si wonegi gambe.

Dzindzimo 107:11

khu kotani nya guyeyise ni guwugela Nungungulu, ni gu nyenya makungo ya oyu a Khusegidego ngudzu,

Dzindzimo 17:13

Pfhumu Nungungulu, wuga u ema! Dwana navo! U va thesa vbavbatshi! Litshari lago li na nyi vbulugise ga muthu nya guvivbe.

Dzindzimo 31:18

Ma na dumare magana ya vakanganyisi, ma ganelago guvivba khu muthu nya gululame, khu matshandza ni linyenyo.

Dzindzimo 35:26

Va na khale dzitshoni va khunguvanyega, avo va nengelago khu gu saniseka gwangu; va na tale khu dzitshoni ni wusiwana avo va dzi khusedzago tshivbani gwangu.

Dzindzimo 55:15

Va na pfinywe khu lufu, va relela phalani nya vafi va nga gu vbanya, kholu va gu fumbela guvivba myonyoni gwawe.

Dzindzimo 66:7

A gu fuma khu tshivba yaye kala gupindruga, gikhati gyatshavbo a gu khedzisela vathu va tigoni, gasi avo nyambana githawo va si dzi khusedzi.

Dzindzimo 71:13

Va na thedwe dzitshoni va padwa avo va nyi wugelago avo a gu valala nya hefemulo wangu; va na poyidwe va thedwa dzitshoni vale va golago gu nyi wona na nyi gutshaniseka.

Dzindzimo 79:12

Pfhumu, tsayisa vaakelane vathu khu guwuyelela guvbindra livbandre na guvili, khu kotani nya sighoho va gu giredego.

Isaya 1:2

Yingisani, enu dzindzadzi, tula ndzeve, uwe litigo, kholu Pfhumu Nungungulu a ngu ganela, khuye: “Nyi velegide sanana nyi si dandrisa, aholu sa gu nyi wugela.

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Isaya 63:10

Aholu avo va di mu yeyisa va swihadza Liphuvbo laye nya Guage; khu guralo, uye a di dzi gira nala wawe, uye kamwe a di dwana navo.

Gililo 1:5

Vatshanisi vaye va mu pade, ni valala vaye va gu bhuma; khu Pfhumu Nungungulu a mu tsayisidego khu kotani nya sighoho saye si tadego. Ambari ni sanana saye si vbagedwe si yiswa wugumbini, si thanga mbeli ga mutshanisi. Vau

Dhaniyeli 9:5

Hi ghohide, hi gira silo nya guvivbe, hi dzi vangede libango khu gu gu pfhurarela, hi hambana ni milayo ni sileletelo sago.

Dhaniyeli 9:9

Pfhumu Nungungulu wathu, a na ni wuhindzi ni gu tsetselela, ambari hi mu ghohedego,

Hoseya 9:7

Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

1 Vakorinto 3:19

Kholu guti nya vathu va mafuni gu wonega nari wupumbu mahoni ga Nungungulu. Milowo nya Guage yari, khiyo: “Nungungulu a gu kona va nya guti, khu mano yawe.”

Dhewuteronome 2:30

Aholu Seyoni, mufumeli wa Hesibhoni, kha hi diga hi vbindra khu tigoni gwaye, kholu Pfhumu Nungungulu wanu, a di bangisa hefemulo wawe, a bangisa myonyo yawe, gasi a kodza gu mu ningela mandzani gwanu, kha nga si wonegago kala na muhuno.

1 Samuweli 25:29

Uye a na gu gu wugelago khu gu vbweta gu gu songa, womi wago wu na patwa gumogo navo va vbanyago ni Pfhumu Nungungulu wago; aholu uwo wa valala vago, wu na dzudzugwa hwindzo kha nga gindzoli.

1 Samuweli 25:39

Avbo Dhavhidhe a nga pwago gupwani Nabhali fude, a di ganela, khuye: A na bongwe Pfhumu Nungungulu uye a emidego ni eni khu mahungu nya guvadwe khu Nabhali, a nyi vhikela gu gira guvivba, Pfhumu Nungungulu, a gira Nabhali a thegedwa khu guvivba a gu giridego hungoni gwaye. Dhavhidhe a di rumela guya embela Abhigayili gukhuye a di gu gola gu a khale mwangadzi waye.