Dzindzimo 49:2 - Bhibhiliya Nya Guage

² Nya gu ganela ga enu va nya gusolega ni va nya gu khalega, sitetema ni sisiwana mwatshavbo gumogo.

Dzindzimo 49:2 Iomraidhean Croise

Joba 34:19

Nungungulu kha khedzi giyemo nya vathangeli, mwendro gu gola sitetema, a nyenya sisiwana, kholu vatshavbo sivangwa nya gugirwe khu mandza yaye.

Dzindzimo 62:9

Vathu vatshavbo, sisiwana ni sitetema; va gu fanana ni furugedzo; va gu pimwa mugikaloni, va gu manega vasiri gilo, va gu vbevbuga guvbindra furugedzo.

Mavingu 22:2

Gitetema ni gisiwana va gutshangana ga gilo gimwegyo; vatshavbo va di girwa khu Pfhumu Nungungulu.

Isaya 34:1

Hidzimelani enu mayigo, gasi mu yingise, ni enu vathu yingisani! Mafu ni satshavbo si guromo umo si na yingise, litigo ni satshavbo si dugelago umo.

Mikeya 1:2

Upwani enu mayigo yatshavbo, tulani dzindzeve mu yingise, uwe litigo ni satshavbo si guromo umo, Mune Pfhumu Nungungulu, a na khale fakazi vbakari gwanu, Uye Pfhumu gukhugela khu nyumbani gwaye nya gukatege.