Dzindzimo 43:3 - Bhibhiliya Nya Guage

³ Rumela wenengedzo ni lisine lago, gasi u nyi wenengedzele ndzila nya gugwele gigomoni gyago nya gukatege ni gu hongola mitshatshani gwago.

Dzindzimo 43:3 Iomraidhean Croise

2 Samuweli 15:20

U ngari gu vboha vbanova, ina nyi nga gu dzega nyi legalega nago, eni nyi si guti umo nyi hongolago, gani? Bwelela uwe gumogo ni vandriyago. Wuhigo ni wuwadi wu na khale nago.”

2 Samuweli 15:25

Khu guralo, mufumeli a di embela Sadhoki, khuye: Bweledza dhoropani Ngasa nya Gidzumeledzwano ya Nungungulu. Nya gu mana wuhigo mbeli ga Pfhumu Nungungulu, uye a na nyi bweledza nyaluphye nyi ya yi wona ni gu wona nyumba yakone.

1 Dzikoronika 16:1

Gikhati va vbohidego ni Ngasa ya Nungungulu, va diya yi vega vbakari nya tshatsha wu nga bani wu dongisedwe khu Dhavhidhe, va di gira miphaso nya guvbiswe ga Nungungulu, ni miphaso nya gubonge.

1 Dzikoronika 16:39

A di tshiyedza muphasi nya mhamba Sadhoki, ni vambe vandriyaye nya vaphasi, va na gyawe, mbeli nya tshatsha wa Pfhumu Nungungulu, wulangani nya gigomo nya gulaphe tigoni gwa Gibheyoni.

1 Dzikoronika 21:29

Kholu, tshatsha wa Pfhumu Nungungulu, owu Mosi a nga wu vbahago giwulani, ni giluvelo nya dzimhamba nya guvbiswe, khu gikhati gyogyo si di bani si ngari gigomoni gya Gibheyoni.

Dzindzimo 119:105

Magana yago kandriya nya migondro yangu, ni wenengedzo nya dzindzila dzangu.

Dzindzimo 143:10

Uwe khuwe Nungungulu wangu, nyi hevbudze gu gira guhaladza gwago, liphuvbo lago nya wuhindzi, li na nyi gimbidzise khu ndzila nya gululame.

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Dzindzimo 3:4

Nyi ngu khusa lito nyi rana Pfhumu Nungungulu, uye a ngu nyi hakha khu gigomoni gwaye nya gukatege.

Dzindzimo 36:9

Kholu gibuga nya womi gyomo gwago; khu wenengedzo wago, hi ngu wona guwonegela.

Dzindzimo 40:11

Pfhumu Nungungulu, u nga bombi gu nyi girela wuhindzi, nyi na vhikedwe gikhati gyatshavbo khu wuhigo ni wuwadi wago.

Dzindzimo 42:4

Nya gu alakanya silo sesi; hefemulo wangu wa gu lila na nyi gu alakanya gukheni nyi di gu gimbila kharini ni gidzemo; nyi gi thangela Nyumbani ga Nungungulu, khu magana nya litsako gumogo ni gu dhumisa; gidzemo gi sayisago matshigu nya simotse.

Dzindzimo 46:4

Womo tsongo, mati yaye ma tsakisago lidhoropa la Nungungulu, nyumba nya guage ya oyu a Khusegidego ngudzu.

Dzindzimo 57:3

Uye khu ndzadzini a ngu nyi rumela giphaso gyaye a nyi vbulugisa; fenengedza khu dzitshoni avo va nyi bayisago. Rumela wuhindzi ni gutumbega gwago.

Dzindzimo 57:4

Nyi randredwe khu valala va fananago ni dzinghala, va vbweta gu nyi hodza; magwaha yawe kha nga matshari ni siholoma, malimi yawe gukhwatshi migala nya gulodzwe.

Dzindzimo 78:68

Aholu a di hatha lihundzu la Judha, ni gigomo gya Siyoni a gi golago ngudzu.

Dzindzimo 84:1

Edzi yi mburidego khidzo nyumba yago nya miphaso, uwe Pfhumu Nungungulu nya Tshivba Yatshavbo!

Dzindzimo 97:11

Wenengedzo wu na wonege ga va nya gululama, ni gutsaka gu manega ga vathu nya myonyo nya gululame.

Mikeya 7:20

U na yeyedza gutumbega gwago ga Jakobe, ni ga Abrahama, wuwadi wago, kha nga u sambanyedego ga vababe vathu gukhugela matshiguni ya gale.

Mikeya 7:8

Uwe nala wangu, u nga tsaki kholu nyi thegedwego khu libango; ambari nya gu bani nyi thegide, nyi na wuga nyaluphye; ambari nya gu vbanya gidemani, Pfhumu Nungungulu a na khala wenengedzo wangu.

Johane 1:17

Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.

Johane 1:4

Ilo li diri ni guvbanya; gambe guvbanya gu diri wenengedzo nya vathu.