Dzindzimo 43:1 - Bhibhiliya Nya Guage

¹ Nyi lamule Nungungulu, u nyi emela ga vathu nya va nya mayigo! Nyi vbulugise ga muthu nya guvivbe ni gidambane.

Dzindzimo 43:1 Iomraidhean Croise

2 Samuweli 15:31

Khavbo avbo, va diya tivisa Dhavhidhe, khavo: “Ayitofeli nuye womo mugikungoni gya Abhisalamo.” Dhavhidhe a di ganela, khuye: “Pfhumu Nungungulu, hafumula wusingalagadzi wa Ayitofeli, wu khala wupumbu!”

2 Samuweli 16:20

Khavbo avbo, Abhisalamo a di embela Ayitofeli, khuye: “Nga ningani wanu wusingalagadzi ga iso hi yelago gu gira!”

2 Samuweli 18:8

Kholu nyimbi yi di fenengedza gipandre gile gyatshavbo, vathu va fudego khabini vangi ngudzu gu vbindra avo va nga songwago khu matshari.

Dzindzimo 140:5

Va nya matshandza va dembide mazinga va nyi riya, va riyide ligoga ndzilani gwangu, va dembide dzingodzi gasi gu nyi mola khidzo.

Dzindzimo 26:1

Nyi lamule, Pfhumu Nungungulu, kholu nyi lulamide guvbanyani gwangu; nyi ngu tumba Pfhumu Nungungulu nyamba kanakana.

Dzindzimo 35:1

Pfhumu Nungungulu, thethisa avo va nyi singedzago, u dwana ni avo va nyi dwanisago.

Dzindzimo 35:24

Nyi lamule khu nayo, wago Pfhumu Nungungulu, u nga va dzumedzisi va ghiya avbo gwangu.

Dzindzimo 5:6

U ngu fuvisa va nya malipha, Pfhumu Nungungulu a ngu nyenya gighevenga ni muthu nya wuvafa.

Dzindzimo 54:3

Kholu va nya mayigo va ngu nyi wugela, va nya wurena va ngu vbweta gu nyi songa; avo kha va theli kota khu Nungungulu.

Dzindzimo 7:7

Tombanisa mayigo ma ta gu randrela; u tshiga khu vbatshani u ta khala mbeli gwawe.

Dzindzimo 7:8

Pfhumu Nungungulu a na lamula mayigo; nyi lamule Pfhumu Nungungulu, gukhedza khu fanelo yangu, kholu eni nyi muthu nya gululame, nyi mwalo nandru.

Dzindzimo 7:9

Vbedza guvivba nya sighohi, u tiyisa muthu nya gululame Uwe Nungungulu nya gululame u wonago monyo ni mahingigedzo.

Dzindzimo 71:4

Nungungulu wangu, nyi vbulugise mandzani ga va nya guvivba, mandzani ga va nya guvivba ni vatshanisi.

Dzindzimo 75:7

Nungungulu khuye mulamuli a gu neredza vambe, a khusedza vambe.

Mavingu 22:23

kholu Pfhumu Nungungulu a na vhikela mahungu yaye gulamudwani, gambe a na songa vatshavbo avo va va phangago.

Mavingu 23:11

kholu muphodzeli wawe a na ni tshivba, a na dzi emela a dzi vhikela.

Mikeya 7:9

Nyi na rwala likhulo la Pfhumu Nungungulu, kholu nyi mu ghohedego; kala a vhikela mahungu yangu a nyi lamula; a na nyi yisa guwonegelani nyi nata wona gululama gwaye.

1 Vakorinto 4:4

Eni kha nyi dzipwi na nyiri ni nandru wa gilo. Ambari ulo, kha nyi dzi woni nga muthu nya ndruda. Pfhumu khuye a nyi lamulago.

1 Pedro 2:23

Gikhati a nga vadwago kha hakha khu guvala, gikhati a nga saniswa kha wugela muthu, aholu a di vega gutumba gwaye gwatshavbo ga Mulamuli wule nya lisine.

1 Samuweli 24:15

Pfhumu Nungungulu a na khale mulamuli vbakari gwangu ni uwe, a na nyi khedze, a wona mahungu yangu, a nyi lamula ni gu nyi vbulugisa mandzani gwago.”