Dzindzimo 41:2 - Bhibhiliya Nya Guage

² Pfhumu Nungungulu a ngu mu sayisa, a mu ninga guvbanya ni gunengela mafuni, kha mu ningeli mandzani ga valala vaye.

Dzindzimo 41:2 Iomraidhean Croise

Dzindzimo 27:12

u nga nyi ningeli ga valala vangu, va gira kheni guhaladza gwawe, kholu va nyi wugede va nyi singedza malipha, va tade khu wughevenga.

Dzindzimo 33:19

gasi a vbulugisa lufuni mihefemulo yawe, ni gu va vbanyisa gikhatini nya ndzala.

Dzindzimo 37:22

Avo va kategiswago khu Pfhumu Nungungulu, va na fumela litigo, avo va vadwago khuye va na mbemba.

Mavingu 11:17

Muthu nya wadi a gu nengedzisa hefemulo waye, aholu uye nyambasi wadi, a gu pwisa wuvi mili waye.

Mavingu 14:21

Uye a vengago muthu kwawe a gu gira gighoho, gasi wule a pwelago gisiro sisiwana, a na mana makategwa.

Mavingu 19:17

Uye a phasago gisiwana a gu fiyarisa Pfhumu Nungungulu, Uye a na mu bweledzela wuwadi waye.

Mavingu 31:20

A gu khusedza mawogo ga uye a khuvekidego, a thawuludza gambe mandza ga gisiwana.

Jeremiya 39:17

Khu guralo, Eni nyi na gu vbulugisa ga litshigu lile, khu na thegela mandzani ga vathu vale u va thavago; a ngu ganela Pfhumu Nungungulu.

Dhewuteronome 14:29

Khavbo avbo, a nata mulevhi (a gu mwalo gipandre ambari thomba vbakari gwago), muluveli, khulungu ni noni; va guromo dhoropani gwago, va na hodza va khura, gasi Pfhumu Nungungulu wago, a gu kategise ga yatshavbo mithumo ya mandza yago.

1 Thimoti 4:8

Kholu wa gu olovela gu vbanya khu mithumo nya givili, kha yi phasi gilo, aholu, wa gu vbanya khu gukhodwa, gu ngu phasa satshavbo, gu ngu ninga gutumba guvbanyani ga olu ni ugo gu natago.

Rute 2:19

Khavbo avbo, nasale waye a di mu wudzisa, khuye: “U roledzede hayi muhuno? U di ya thuma hayi? A na kategiswe muthu yoyo a gu hakhidego!” Uye a di embela nasale waye, khuye: “Muthu nyi thumidego thembweni gwaye muhuno, lina laye khu Bhowazi.”