Dzindzimo 39:7 - Bhibhiliya Nya Guage

⁷ Gasi eni, Pfhumu, nya gu tumba ginani? Uwe khuwe gitumbo gyangu.

Dzindzimo 39:7 Iomraidhean Croise

Genesi 49:18

Nya gu khedzisela guvbanyisa gwago, Uwe Pfhumu Nungungulu!

Joba 13:15

Ambari a gu nyi songa, nyi mwalo gimbe gitumbo; gambe mbeli gwaye, eni nyi na simamisa ni mavbanyelo yangu.

Joba 14:2

A gu rumbuga gu fanana ni genge, bwelo khavbo a wu na, a mwalalega gu fanana ni mwedzi, a si wonegi gambe;

Dzindzimo 119:166

Pfhumu Nungungulu, eni nyi ngu lirela guvbanyisa gwago, nyi ngu sayisa sirumo sago.

Dzindzimo 119:81

Hefemulo wangu wa gu khedzisela guvbanyisa gwago; kholu eni nyi ngu tumba magana yago.

Dzindzimo 38:15

Khu guralo, Pfhumu Nungungulu eni nya gu tumba uwe; khuwe u na gu ningago phindrulo, uwe Pfhumu Nungungulu wangu.

Dzindzimo 49:11

Lithowo lawe li na khala dzinyumba dzawe, va na vbanya umo khu mimela ni mimelana. Ambari na va ningide lina mayigo yawe.

Muhevbudzi 2:21

Kholu muthu a dzi garadzago khu gu thuma khu wugengeli ni guti, a guta wona handro nya thumo waye na wu tshiyedwa uye a ngamba dzi garadza khu gu thuma; satshavbo sesi gu dzi pfhadza, kha si phasi gilo.

Muhevbudzi 4:8

Womo muthu a vbanyago enga, nyambana waye, nyambana sanana ni vandruye. Ambari khu kharato kha garali khu gu thuma, maho yaye kha ma kodwi khu gu wona talo nya thomba a gu nayo. Ne kha wudzisi gukhuye: “Gasi nya gu thumela mani, ni gu, nya gu dzi hiyela ginani esi nya gutshambe?” Isoso niso kha si phasi gilo, gu dzi pfhadza mahala.

Luka 2:25

A di gu vbanya Jerusalema mwama moyo nya gupwani khu Simiyoni. Adiri muthu nya gululame ni githawo ga Nungungulu; a di gu lindrela gu tangadziswa ga Israyeli, Liphuvbo nya Guage li diri gwaye.

Varoma 15:13

Uye Nungungulu a gu gibuga nya gitumbo a na mi ninge gunengela, ni gurula khu gukhodwa, gasi gitumbo gyanu gi engedzelana gu dandra khu tshivba nya Liphuvbo nya Guage.