Dzindzimo 39:12 - Bhibhiliya Nya Guage

¹² Pfhumu Nungungulu, yingisa nombelo wangu, nya gu womba huwa nyi lomba guphaswa, nyi yingise; U nga khali givbwiri nya mbapwa gudilela gwangu. Kholu eni nyi muwuyi avbo gwago, nyi mupepetegi kha nga vakokwe vangu.

Dzindzimo 39:12 Iomraidhean Croise

Genesi 21:34

Abrahama a di luvela matshigu nya gulaphe ngudzu tigoni ga Vafilisitiya.

Genesi 47:9

Jakobe a di hakha, khuye: “Tengo nya myaga nya lendro langu, lizana ni magumararu (130) myaga. Gikhati nya myaga nya guvbanye gwangu gi rode gambe gi tade khu gutshaniseka, kha gi ningani ni myaga nya guvbanye ga vababe vangu, matshiguni nya guendre gwawe.”

2 Samuweli 16:12

A gu dzina saye Pfhumu Nungungulu a na wona gutshaniseka gwangu, a nyi ninga gurula khu kotani nya gu nyi vale gwaye.”

2 Dzipfhumu 20:5

“Bwelela u ya embela Ezekhiya, muthangeli nya vathu vangu, khuwe: Pfhumu Nungungulu wa babe wago Dhavhidhe, a ngu ganela kharati, khuye: Nyi pwide nombelo wago, nyi wona ni marongo yago; nyi na gu vbanyisa; khu litshigu nya wuraru, u na gwela Nyumbani ga Pfhumu Nungungulu.

1 Dzikoronika 29:15

Kholu ethu mbeli gwago hi valuveli ni vaendri, kha nga vanyehe vathu vatshavbo; matshigu yathu momo kha nga mwedzi mafuni momu, hi mwalo gimbe gitumbo.

Joba 13:28

Nya gu vbela kha nga gilo nya guhine, gi tshunganelago, ni mwendra wu hodzwago khu muhwa.”

Joba 16:20

Dzipari dzangu dza gu nyi wona, dza gu nyi hega, maho yangu ma gu simba khu gulila mbeli ga Nungungulu;

Dzindzimo 102:1

Pfhumu Nungungulu, yingisa nombelo wangu, gulila gwangu gu na vbohe iyo gwago!

Dzindzimo 116:3

Nyi hungidwe khu dzitshinga nya lufu, ligoga nya lithowo li di nyi mode, eni nyi di tala khu guthava ni gusaniseka.

Dzindzimo 119:19

Nyi muvbindri nya ndzila ga eli litigo, U nga nyi siheli milayo yago.

Dzindzimo 119:54

Milayo yago yi ngu nyi gira nyi thula dzindzimo, ndzilani nya liendro langu.

Dzindzimo 56:8

Uwe u gutide gusaniseka gwangu; u hengeledzede marongo yangu gyomboni; ina khwa si lova libhukuni gwago, gani?

Dzindzimo 90:9

Matshigu yatshavbo nya guvbanye gwathu, ma ngu pidwa khu kotani nya likhulo lago; myaga yathu ya gu vbindra kha nga gu dagata nya hefemulo.

Levhi 25:23

Sipeto si nga rengisedwi muphelo, kholu mafu ma gu lumba Eni, enu muvawuyi ni vapfhumba vangu.

2 Vakorinto 5:6

Khu guralo, hi na ni gutumba gikhati gyatshavbo. Hi ngu dziti gukhethu ha gu bani hi ngu gu vbanya givilini momu, hi womo hwindzo ni Pfhumu.

Vahebheru 11:13

Vatshavbo vovo va fude na va tade khu gukhodwa. Kha va hakha esi va nga tumbiswago, aholu va si wone khu hwindzo va si tsakela, va dzi thula vawuyi, valuveli va vbindrago khu mafuni momu.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.

1 Pedro 1:17

Mwa gu lombelela na mu rana, khenu: “Baba,” Uye a lamulago vathu vatshavbo nyamba khedza khu khovbe, a khedzago khu mavbanyelo ya muthu ni muthu; khu kharalo, mu fanede gu mu ninga githawo matshiguni nya guvbanye gwanu mafuni momu.

1 Pedro 2:11

Dzipari dzangu nya sigodwa, dundrugani gukhenu mu valuveli, mu vawuyi ga litigo leli. Khu guralo, nyi ngu mi lomba mu dige gunavela nya wuthu gu dwanago ni hefemulo.