Dzindzimo 33:10 - Bhibhiliya Nya Guage

¹⁰ Pfhumu Nungungulu a ngu pfhungumula gikungo gya va nya mayigo ni gu thesa vbavbatshi mipimiso nya mayigo.

Dzindzimo 33:10 Iomraidhean Croise

Genesi 11:8

Khu magirelo yaya, Pfhumu Nungungulu a di va phalalegisa mafuni gwatshavbo, va hegisa khu gu diga guvbaha lidhoropa.

2 Samuweli 15:31

Khavbo avbo, va diya tivisa Dhavhidhe, khavo: “Ayitofeli nuye womo mugikungoni gya Abhisalamo.” Dhavhidhe a di ganela, khuye: “Pfhumu Nungungulu, hafumula wusingalagadzi wa Ayitofeli, wu khala wupumbu!”

2 Samuweli 15:34

aholu wa gu bwelela dhoropani uya dzi ganelela ga Abhisalamo khuwe uwe u mufumeli wangu, eni nyi na khala githumi gyago, kha nga gale nyi khadego githumi gya babe wago, ni olu nyi na khala githumi gyago. Wa gu gira kharato, u na hi fuvisela wusingalagadzi wa Ayitofeli.

2 Samuweli 17:14

Abhisalamo ni vatshavbo va na Israyeli, va dipwa gikungo gya Husayi Muaraki nari gyadi gu vbindra gya Ayitofeli. Kholu Pfhumu Nungungulu a di gode gukhuye gi fuviswa gikungo nya gyadi gya Ayitofeli, gasi Abhisalamo a kodze gu thegedwa khu libango.

2 Samuweli 17:23

Avbo Ayitofeli a nga wonago gukhuye makungo yaye kha ma landriswa, a di ghabhatisa buru yaye, a khuga a hongola dhoropani gwawe. A di mana sileletelo satshavbo sa ndrangani gwaye; khu hwane aya dzi hunga afa, a dzingwa thowoni ga babe waye.

2 Dzipfhumu 6:9

Aholu muthu wa Nungungulu a di rumela guya tivisa mufumeli wa Israyeli, khuye: “Dzi wonele, u nga vbindri khu wulanga wule; kholu Vaasiriya va relede vbale.”

Nehemiya 4:9

Khu guralo, ethu hi di lombelela ga Nungungulu wathu, hi vega vawoneleli nya gukhevisele wutshigu ni mihani, gasi ndranga yathu yi si sasedwi khu valala.

Dzindzimo 140:8

Pfhumu Nungungulu, u nga ningi va nya guvivba esi va si vbwetago; u nga dzumeli gukhuwe makungo yawe nya guvivbe maye mbeli, gasi va si ghiyi.

Dzindzimo 21:11

Ambari va nga gu girela matshoho, va luga makungo, kha va na gira gilo;

Dzindzimo 9:15

Vathu nya mayigo va di thegela phalani va nga kembago, mawundru yawe ma di modwa khu mazinga va nga ma riyago vabune.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Isaya 19:3

Hefemulo wa Vagipiti wu na titivala ndrani gwawe, nyi na phalalegisa makungo yawe, va na ya wudzisa wusingalagadzi ga sifananiso sawe, ni ga vale va khozelago va nya gufa ni valoli nya dzisolo.

Isaya 44:23

Embelelani khu gutsaka, enu ndzadzini, kholu si giridwe khu Pfhumu Nungungulu! Wombani mikulungwane enu mu guromo guetani nya mafu! Embani sizimba khu gunengela, enu sigomo, magabi ni misimbo yaye yatshavbo, kholu Pfhumu Nungungulu tshudziside Jakobe, a dzi dhumisa khu Israyeli.

Isaya 44:25

Nyi ngu ganedza vaprofeti nya malipha, nyi handrugisa va nya gulola dzisolo; va nya guti nyi va bweledza hwane, nyi vbindrugedza wugengeli wawe wu khala wupumbu.

Jeremiya 19:7

Kholu ga wulanga wowu, nyi fuviside makungo ya Judha ni ya Jerusalema, nyi na va gira va thega khu matshari mbeli ga valala vawe ni mandzani ga vale va va vbwetago gu va songa; sirumbi sawe si na rothedwa khu sinyoni sa damboni ni gu hodzwa khu sirengo sa khabini.

Ezekiyeli 20:32

Enu mwa gu ganela, khenu: Ha guvbweta gu gira nethu kha nga vathu nya mayigo yatshavbo, va dzi girelago vanungungulu nya misimbo ni siwindri. Aholu isoso mu si pimisago, gima kha si na nga girega.

Malakiya 1:4

Ambari Edhomi a gukhuye: Litigo lathu li pfhungumudwe, aholu ethu hi na vbahedza marumbi; khu guralo, Pfhumu Nungungulu nya Tshivba Yatshavbo a ngu ganela kharati, khuye: Avo va na vbahedza, aholu eni nyi na ma khungumula; ambari Edhomi a gukhuye va na li rana litigo nyambana gukhodwa. Litigo lile Pfhumu Nungungulu a gorogidego khilo gikhati gyatshavbo.