Dzindzimo 32:5 - Bhibhiliya Nya Guage

⁵ Nyi dawulede gwago giwono gyangu, kha nya gu sihela guvbanya gwangu; eni nyi di ganela, kheni: “Nyi ngu hongola ga Pfhumu Nungungulu, nyi ya dawulela guvivba gwangu!” Uwe u di handza guvivba gwangu, u nyi divalela guvivba nya gighoho gyangu.

Dzindzimo 32:5 Iomraidhean Croise

2 Samuweli 12:13

Khavbo avbo, Dhavhidhe a di embela Natane, khuye: “Nyi ghohede Pfhumu Nungungulu.” Natane a di embela Dhavhidhe, khuye: “Pfhumu Nungungulu futide gighoho gyago, khu na ngafa.”

2 Samuweli 12:9

Khu ginani u nga yeyisago magana ya Pfhumu Nungungulu, u gira esi si vivbidego mahoni gwaye? U songide Uriya, Muhiti khu litshari, khu gufela gu dzega mwangadzi waye a khala wago, hwane nya gu bani u mu songide khu litshari la na Amoni.

2 Samuweli 24:10

Hwane nya gu bani na sayede vathu, Dhavhidhe a di vetwa khu livhalo a vbisega monyoni gwaye; Dhavhidhe a ganela ga Pfhumu Nungungulu, khuye: “Nyi ghohide ngudzu khesi nyi giridego, gasi olu uwe Pfhumu Nungungulu, nyi ngu gu lomba gukheni u duse guvivba ga githumi gyago, kholu nyi thumide silo nya wupumbu ngudzu.”

2 Samuweli 24:17

Avbo Dhavhidhe a nga wona Ngilozi nya gumbembise vathu, a di ganela ga Pfhumu Nungungulu, khuye: “Wona, kheni nyi ghohidego, kheni nyi giridego guvivba gwatshavbo gogu; gasi dzinvuta dzedzi, ginani dzi ghohidego? Gyandza gyago, gi na vete eni gumogo ni ndranga ya babe wangu.”

1 Dzipfhumu 8:50

Tsetselela vathu vago sighoho ni milandru va gu giredego, u va gira va pwedwa gisiro khu valala va va giridego dzikhumbi, gasi va kodze gu va girela wuhindzi.

2 Dzikoronika 6:29

milombelo yatshavbo ya muthu ni muthu, mwendro ya vathu vatshavbo va na Israyeli, va gu lombago khu sighoho sawe ni gulila gwawe, va khusedza mandza nyumbani momu,

Ezira 10:11

Khu guralo, olu, dzi layeni mu dawulela ga Pfhumu Nungungulu wa vababe vanu, mu gira gugola gwaye mu dzi hambanisani ni vathu va mambe mayigo, ni ga vanyamayi va mambe mayigo mu dzeganidego navo.”

Joba 31:33

Nya gu bani nyi fananide ni vambe vathu nyi fenengedza sighoho sangu kha nga Adhamu, nyi siha milandru yangu monyoni gwangu;

Joba 33:27

Khu hwane a na wona vathu a ganela, khuye: Nyi ghohide khu gumba landrisa nayo, aholu uye kha nyi tsayisa gulandra khu sighoho sangu.

Dzindzimo 103:12

Kha nga idzo Khugadambo gu gu hwindzo ni Muhwadambo, kharato nugo a ngu ndreyisa vbakari gwathu sighoho sathu.

Dzindzimo 103:3

Khuye a gu tsetselelago siwono sago satshavbo; ni gu gu hawulugisa madwali yago yatshavbo.

Dzindzimo 25:16

Khedza eno gwangu, nyi pwele wuhindzi, kholu nyi musaniseki nyambana mubangaladzi.

Dzindzimo 25:18

Wona gugaradzega ni guvbisega gwangu, u nyi divalela siwono sangu satshavbo.

Dzindzimo 30:5

Kholu likhulo laye kha li hweli guvbindra; makategwa yaye ma gu pindruga gikhati gyatshavbo, vbasilambotunu, gu manega gililo, vbadzimindrutunu, gu wuga gutsaka.

Dzindzimo 38:18

Nyi ngu dawulela guvivba gwangu; nyi ngu tshaniseka khu kotani nya gighoho gyangu.

Dzindzimo 38:19

Aholu valala vangu va ngu vbanya va na ni tshivba, vangi va nyi zondrago nyambana nandru.

Dzindzimo 51:6

Uwe u ngu gola muthu nya lisine monyoni gwaye, u ngu nyi hevbudza guti sihaloni nya hefemulo wangu.

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Dzindzimo 86:5

Kholu uwe Pfhumu, u wadi u ngu tsetselela; u ngu hakha khu mandza mavili vatshavbo va gu khozelago.

Mavingu 28:13

Uye a sihago sighoho saye gima kha na katega, aholu uye a si dawulelago a si ghohi gambe, a na giredwa wuhindzi.

Mavingu 30:20

Kharato nuye nyamayi nya gibhayi, a gu hodza a bavbula likana, khuye: “Eni gima nyi si giri gilo nya guvivbe.”

Isaya 65:24

Gikhati va lombelelago, nyi na va ninga phindrulo na va si gu vbedzi; na va nga guganela, eni nyi na va yingisa.

Jeremiya 2:23

U na ganela kharini gukhuwe: Eni kha nya dzi nyenyezisa; ambari gu khozela vanungungulu nya Vabhahali? Nga alakanya idzo u nyi ghohedego khidzo kovani, nga khedza iso u giridego; wa gu tutumatutuma gu fanana ni ngameriya nya mbiri yi vbwetago matune,

Jeremiya 2:35

u nga guganela, khuwe: “Nyi mwalo nandru! Likhulo lago li vbindride avbo gwangu.” Aholu nyi na gu lamula kholu u ganedego, khuwe: “Kha nya ghoha gilo!”

Jeremiya 3:13

Gu vbwetega basi gu dzumela gighoho gyago, kholu khwa tumbega gilo ga Pfhumu Nungungulu wago, u di khozela vanungungulu va nya mayigo vbavbatshi nya misimbo nya gunyuge, gambe khwa yingisa gilo lito langu; a ngu ganela Pfhumu Nungungulu.

Jeremiya 31:20

Ina kamwe Efrayimi khandri uye gyanana gyangu nya gigodwa, gani? Gyanana gi godwago khu monyo wangu, gikhati nya gingi mapimo yangu kha ma digi gu mu alakanya; ni monyo wangu wa gu salala mbeli gwaye, khu guralo, nyi na mu pwela wuhindzi; a ngu ganela Pfhumu Nungungulu.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Levhi 5:5

Muthu a gu ni nandru nya silo sesi, gu vbwetega a dawulela sighoho saye.

Malakiya 3:8

“Ina muthu a ngu dzi kodza gu bela Nungungulu, gani? Gasi enu mwa gu nyi bela mu bwelo khavbo mu wudzisa, khenu: Ginani hi nga gu belago? Mu ngu nyi bela umo nya gipandre nya likhumi ni avbo nya miningelo mu yelago gu nyi luva khiyo!

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Luka 7:47

Khu kharato, nyi ngu gu embela, kheni: A ngu tsetseledwa sighoho saye nya singi, kholu yeyedzide lihaladzo nya likhongolo. Aholu wule a tsetseledwago silo nya sidugwana, a ngu gola vbadugwana.”

Vaefeso 4:32

Khalani vathu nya ndruda, mu pwelana wusiwana, mu tsetselelana khu gyanu, kha nga Nungungulu a mi tsetseledego khu ga Kristo.

Josuwa 7:19

Khavbo avbo, Josuwa a di embela Akani, khuye: “Mwanangu, rungudza Pfhumu Nungungulu wa Israyeli, u mu zundza. Nyi embele iso u giridego, nyamba siha ni gimwegyo.”