Dzindzimo 31:3 - Bhibhiliya Nya Guage

³ Aholu khuwe libhiyo langu; khu lina lago nyi endredze u nyi nonedza ndzila.

Dzindzimo 31:3 Iomraidhean Croise

Luka 1:79

gasi guta wenengedza avo va vbanyelago gidemani ni gusivbalani nya lufu, gumogo ni gu hi gimbidzisa khu ndzila nya gurule.”

Dzindzimo 79:9

Hi phase Nungungulu muvbanyisi wathu, khu wudhumo nya lina lago, hi tshudzise u hi tsetselela siwono sathu, khu lihaladzo nya lina lago.

Johane 16:13

La guta Liphuvbo nya lisine, ilo li nata mi endredza, li mi yisa lisineni nya guvbelele, kholu kha li nata ganela silo nya gu si khugele, aholu li nata ganela silo li si pwidego, ni guta mi tivisani iso si natago.

Jeremiya 14:7

Ambari hi konwago khu sighoho sathu, kholu milandru yathu mingi ngudzu; kholu hi gu ghohedego, ambari khu guralo, Pfhumu Nungungulu, hi phase khu lihaladzo nya lina lago.

Isaya 49:10

Gima kha va na ngapwa ndzala ambari lidora, ambari gu furugedzwa khu phuvbo ni gu vbiswa khu lihani, kholu oyu a va pwelago wusiwana, a na thanga mbeli gwawe, a va yisa sifefeni nya mati.

Dzindzimo 139:24

u wona mwendro nyi ngu gimbila khu ndzila nya guvivbe u nyi gimbidzisa khu ndzila nya gupindruge.

Dzindzimo 43:3

Rumela wenengedzo ni lisine lago, gasi u nyi wenengedzele ndzila nya gugwele gigomoni gyago nya gukatege ni gu hongola mitshatshani gwago.

Dzindzimo 25:11

Pfhumu Nungungulu, khu kotani nya lina lago, tsetselela giwono gyangu; kholu gikhongolo ngudzu.

Dzindzimo 25:5

Nyi gimbidzise khu lisine lago, nyi hevbudze, kholu uwe khuwe Nungungulu, muvbanyisi wangu, nyi ngu tumba uwe gikhati gyatshavbo.

Nehemiya 9:12

Vbamihanitunu, uwe U di va thangela, khu mwedzi nya lipfhi, vbawutshigutunu U va thangela khu mwenge nya nilo, gasi gu wenengedza ndzila va yelago gugimbila khiyo.

Dzindzimo 25:9

A ngu gimbidzisa va nya gusolega khu nayo, a hevbudza va nya gurula ndzila yaye.

Dzindzimo 18:2

Pfhumu Nungungulu, givhikelo gyangu, likhokhola langu, mudzegisi wangu; nyi ngu thavela gwaye, muvhikeli wangu, gitshangu ni tshivba nya guvbanyiswe gwangu, langwe yangu nya gutiye, wuthavelo wangu.

Nehemiya 9:19

Ambari khu guralo, Uwe khu kota nya wuhindzi nya wungi ngudzu, khwa va diga giwulani. Lipfhi li di va thangela gasi gu va gimbidzisa mihani yatshavbo ndzilani gwawe, vbawutshigutunu va di thangedwa khu mwenge gasi gu wenengedza ndzila va yelago gu gimbila khiyo.

Josuwa 7:9

Avbo Vakhanani ni vatshavbo vavbanyi va tigoni va na gu pwago esi, va na hi randrela va fuvisa lina lathu omu mafuni; khu guralo, U na khuwe ginani khu lina lago nya likhongolo?”

Vaefeso 1:12

Kharati, ethu, gukhugela guhegulani, hi vegidego gitumbo gyathu ga Kristo, hi na embelela wudhumo waye.

Dzindzimo 71:3

Khala uwe giwindri nya wuthavelo wangu u gi dongisedego gasi nyi sayisega ga igyo; u rumede gukhuwe nyi vbanyiswa, kholu khuwe giwindri nya likhokhola langu.

Dzindzimo 102:3

Kholu matshigu yangu, ma gu mwalalega khwatshi wutshi, ni marambo yangu ma vbide gukhwatshi magala.

Dzindzimo 116:2

Kholu neredzidego dzindzeve dzaye a nyi yingisa; nyi na lombelela gwaye matshigu yatshavbo nya guvbanye gwangu.