Dzindzimo 30:7 - Bhibhiliya Nya Guage

⁷ Pfhumu Nungungulu, wuhigo wago wu di nyi ninga tshivba ni wudhumo; aholu, u sihide khovbe yago, eni nyi tedwa khu rerema.

Dzindzimo 30:7 Iomraidhean Croise

Joba 10:12

U nyi ningide womi, u nyi sayisa khu lihaladzo, wuwadi wago wu vegedzide womi wangu.

Dzindzimo 10:1

Pfhumu Nungungulu, khu ginani u khala hwindzo? Khu ginani u nyi sihalela gikhati nya gusaniseke?

Dzindzimo 102:10

khu kotani nya gu goroge ni likhulo lago, kholu u di nyi khusa u nyi rinya hwindzo.

Dzindzimo 104:29

Wa gu si sihela khovbe yago, iso sa gu vbela tshivba; wa gu si dzegela hefemulo, iso sa gufa, si bwelela si khala gambe kudzudzwane.

Dzindzimo 143:7

Olu Pfhumu Nungungulu, vbiredza u nyi hakha; nyi ngu vbela tshivba; u nga nyi siheli khovbe yago, gasi nyi si fanani ni avo va fudego.

Dzindzimo 30:5

Kholu likhulo laye kha li hweli guvbindra; makategwa yaye ma gu pindruga gikhati gyatshavbo, vbasilambotunu, gu manega gililo, vbadzimindrutunu, gu wuga gutsaka.

Dzindzimo 40:2

A nyi duside phalani nya lufu, seleni mule nya maraga; a emisa migondro yangu vbatshani nya giwindri, a tiyisa mawundru yangu.

Dzindzimo 44:3

Khandri khu tshivba nya matshari va nga wandra khiyo litigo, gambe khandri mawogo yawe ma nga va ninga gupala; aholu khu libogo lago la nyamudye, ni wenengedzo nya khovbe yago, kholu u di gu va gola.

Dzindzimo 5:12

Khu kharato, uwe Pfhumu Nungungulu, u ngu kategisa oyu a lulamidego u ngu mu vhikela maphuvbo yatshavbo khu gitshangu nya wuhigo wago.

Dzindzimo 89:17

kholu uwe khuwe wuzundzo nya tshivba yaye, khu wuhindzi wago u ngu khusedza tshivba yathu.

Isaya 38:17

Gusaniseka gogu nyi gu manidego gu nyi resede gurula, khu lihaladzo lago u duside hefemulo wangu, wu si thegi phalani nya guhine, kholu sighoho sangu satshavbo u si dzudzugide hwane gwago.

Dhewuteronome 31:17

Khu litshigu lolo, likhulo langu li na khondra vbakari gwawe, nyi va diga ni gu va sihela khovbe yangu, nyi va diga va mbembiswa khu dzimhango nya gutale; ni dzitshanisa dzi nata vbatshani gwawe; aholu avo va na ganela, khavo: Ina libango leli khandri la gu hi thegela kholu Pfhumu Nungungulu wathu, a gu mwalo vbakari gwathu, gani?