Dzindzimo 30:12 - Bhibhiliya Nya Guage

¹² Khu guralo, monyo wangu wu ngu embelela gwago nyamba garala. Pfhumu Nungungulu wangu, nyi na gu rungudza kala gupindruga.

Dzindzimo 30:12 Iomraidhean Croise

Genesi 49:6

Uwe hefemulo wangu, u nga beli makunguni gwawe! Ni uwe monyo wangu, hambana navo, kholu likhuloni gwawe va songide vathu, ni gu dzikhusedzani gwawe va theside dzikuzi.

Esiteri 8:16

Ga Vajudha gu di manega nari gutsaka, gunengela ni wuzundzo.

Esiteri 9:22

Khayo matshigu yaya Vajudha va nga dzi tshudzisago khayo ga valala vawe, khuye ngima, gutshaniseka gwawe ni gulila gu vbindrugedzidego gu khala matshigu nya mibuzo ni gutsaka; va leletiswa gupwani matshigu yaya va ma gira mari ya mibuzo nya gunengele ni gutsaka, ni gu rumelana dzisagwati khu gyawe, ni gu ninga giphaso sisiwana.

Dzindzimo 13:6

Nyi na embelela nyi rungudza Pfhumu Nungungulu, khu makategwa a nyi ningidego.

Dzindzimo 145:2

Nyi na gu bonga matshigu yatshavbo; nyi rungudza lina lago kala gupindruga.

Dzindzimo 16:9

Khu guralo, monyo wangu wu ngu nengela, lidimi langu li ngu kulungela, ni givili gyangu gi ngu hefemula na gi tangade.

Dzindzimo 44:8

Ethu gikhati gyatshavbo ha gu dzi khusedza tshivbani ga Nungungulu, hi na simama gu rungudza lina lago.

Dzindzimo 57:8

Khendzuga, uwe hefemulo wangu! Gitendre ni hwambi, wugani! Nya gu vbweta gu wusa Wuronga.

Dzindzimo 71:14

Aholu, eni nyi na vega gwago gutumba gwangu, nyi na simama gu gu dhumisa gikhati gyatshavbo.

Dzindzimo 71:23

Nyi na womba mikulungwane, nyi embelela khu dzindzimo Hefemulo wangu wu na ghiya kholu u wu dzegisidego.

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Luka 19:40

Jesu a di va hakha, khuye: “Va gu degula, siwindri si na gulumela.”

Mithumo 4:20

Gasi ethu, kha hi dzi kodzi gumba pwadza vathuni iso hi nga si wonago ni gu sipwa.”

Gutuledwa 7:12

“Amen! Rungudzo ni gidhumo ni guti ni gubonga ni wuzundzo ni wufumu ni tshivba sa gu lumba Nungungulu wathu kala gupindruga. Amen!”