Dzindzimo 27:4 - Bhibhiliya Nya Guage

⁴ Gilo gimwegyo basi nyi lombago ga Pfhumu Nungungulu, nyi gi dogorelago khu monyo wangu watshavbo: Khu gu khala Nyumbani ga Pfhumu Nungungulu matshigu yatshavbo nya guvbanye gwangu, nyi fela gunengela khu gutshamba ga Pfhumu Nungungulu ni gu alakanya Nyumba yaye.

Dzindzimo 27:4 Iomraidhean Croise

2 Samuweli 21:1

Matshiguni ya Dhavhidhe, gu manegide ndzala yi dzegidego myaga miraru, khu mwaga ni mwaga, Dhavhidhe a di wudzisa Pfhumu Nungungulu, Pfhumu Nungungulu, a di mu embela, khuye: “Sawule ni ndranga yaye khavo va gu ni nandru nya wusongi, kholu va nga songago Vagibhiyoni.”

Dzindzimo 23:6

Wuwadi ni lihaladzo lago, si ngu nyi bangaladza matshigu yatshavbo nya guvbanye gwangu; nyi na vbanya Nyumbani ga Pfhumu Nungungulu kala gupindruga.

Dzindzimo 26:6

Nyi ngu hamba mandza yangu na nyi agide monyo, gasi nyi hidzimela vbagiluvelotunu gwago Pfhumu Nungungulu,

Dzindzimo 26:8

Pfhumu Nungungulu, eni nyi ngu gola wumburi nya Nyumba yago, ni wulanga wu wonegago avbo wudhumo wago.

Dzindzimo 27:8

Monyo wangu wu ngu nyi embela, khuwo: “Vbweta khovbe yaye.” Khu guralo, nyi na vbweta khovbe yago Pfhumu Nungungulu.

Dzindzimo 50:2

Gukhugela Siyoni, wulanga nya gumbure ngudzu, Nungungulu a ngu ngangamela.

Dzindzimo 65:4

Kategide muthu u mu hathago a hidzimela vbafuvbi gwago, gasi guta vbanya nyumbani gwago, ethu nethu hi ngu nengela khu esi nya sadi sa Nyumbani gwago nya guage.

Dzindzimo 84:10

Kholu gu khala litshigu limwedo basi nyumbani gwago, gwadi guvbindra gu khala likhumi mazana matshigu vbavbandze. Nyi ngu gola gu khala musayisi nya lidimba Nyumbani gwa Nungungulu wangu, guvbindra gu ya khala mitshatshani ya va nya guvivba.

Dzindzimo 84:4

Va kategide avo va khalago nyumbani gwago; va na simama gu Gu dhumisa nyamba garala.

Dzindzimo 90:17

Wuhigo wa Pfhumu Nungungulu wathu, wu na fenengedze vbatshani gwathu; hi kategisele thumo nya mandza yathu; ina, tiyisa thumo nya mandza yathu.

Jeremiya 29:13

Mwa gu nyi vbwetani khu monyo wanu watshavbo, mu na nyi mana.

Dhaniyeli 9:3

Khu guralo, nyi di khusedza maho yangu ga Pfhumu Nungungulu nyi gira milombelo, nyi lila ni guhala, nyi ambala silendra ni gu phorola nguma.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Matewu 6:33

Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa.

Luka 10:42

narigu gimwegyo basi gi vbwetegago. Mariya hathide gipandre nya gyadi, igyo nya gu gima kha na dzegedwa khu muthu.”

Luka 13:24

Uye a di va hakha, khuye: “Zamani gu bela khu mwanya yoyu nya wudugwana, kholu, nyi ngu mi embelani gukheni nya vangi va na zama gu bela khavbo, aholu kha va na dzi kodza.

Luka 18:1

Khavbo avbo, a di va embela gipimaniso gi yeyedzago giguruvedzo nya gulombelele nyamba garala, khuye:

Luka 2:37

Gi vbanyide ni mwama waye livbandre na mivili myaga. Na gi tshidwe, gi di vbanya kha nga gifurugadzi kala gi nga enedza livbandre na mararu magumi na mina (84) myaga. Gi di gu khala Nyumbani ga Nungungulu, umo gi nga bani gi thumela Nungungulu wutshigu ni mihani, na gi lombelela ni gu hala.

2 Vakorinto 3:18

Ethu hatshavbo na hi funungude khovbe, hi khedza libona nya wudhumo wa Pfhumu hi ngu vbindrugedza khu wuzundzo ni wudhumo, hi fanana Naye, hi khedziga gikhati gyatshavbo khu tshivba nya Liphuvbo la Pfhumu.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

Vafilipi 3:13

Vandruye, kha nyi dzi pembi nyi alakanya gukheni nyi gu mane guvbelela, aholu gyomo gilo nyi girago, khegi: Nya gu divala esi si tshadego hwane, nyi zama gu manela esi si guromo mbeli gwangu.

1 Thimoti 5:5

Oyu a gu noni, khu lisine, nari mwalo waye, a gu vega gutumba gwaye ga Nungungulu gikhati gyatshavbo, a gu lombelela ni gu dhumisa Nungungulu wutshigu ni mihani.

Vahebheru 11:6

Khu guralo, muthu nyamba khodwa kha dzi kodzi gutsakisa Nungungulu, kholu, oyu a hidzimelago ga Nungungulu fanede gukhodwa gukhuye Nungungulu womo, ni gukhuye a ngu tshatshazela avo va mu vbwetago.

1 Samuweli 1:11

A di gira gisambanyo a ganela, khuye: “Ama Pfhumu Nungungulu nya Tshivba Yatshavbo, nari gukhwatshi wa gu wona tshanisa ya githumi gyago, nari pwani nya gu mana wuhigo nya gu nyi ninge gyanana nya gikhwathana, eni nyi di hadza gu gi phasela ga Pfhumu Nungungulu matshigu yatshavbo nya guvbanye gwaye, ni ndzudzu waye, wu di hadza gumba gaywa khu gisingwana.”

1 Samuweli 22:10

Uye a di mu wudzisela ga Pfhumu Nungungulu; a mu ninga dzimbuva ni litshari la Gholiya, Mufilisitiya.”

1 Samuweli 30:8

Khavbo avbo, Dhavhidhe a di wudzisa ga Pfhumu Nungungulu, khuye: “Nyi ngu yela gu lundra tsawa yoyu nya sighevenga, gani? Nyi na va mana, gani?” Khavbo avbo, Pfhumu Nungungulu a di mu hakha, khuye: “Va landre, kholu nyi ngu tiyisa gukheni u na va mana u tshudzisa vatshavbo.”