Dzindzimo 27:10 - Bhibhiliya Nya Guage

¹⁰ Kholu, babe ni mayi wangu va gu nyi diga, Pfhumu Nungungulu a na nyi hakha.

Dzindzimo 27:10 Iomraidhean Croise

2 Samuweli 16:11

Dhavhidhe a di engedza a embela Abhisayi, ni vathu vaye, khuye: “Ambari gyanana gya mahembeni gwangu gi vbwetago gu nyi songa, a na tandrega kharini mubhejami yoyu? Mu digeni a nyi hembulula kha nga a rumidwego khu Pfhumu Nungungulu.

Dzindzimo 69:8

Nyi khade nombo ga vandriyangu nyamba tidwa khu sanana sa mayi wangu.

Isaya 40:11

Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Isaya 49:15

Ina womo nyamayi a divalago gyanana gyaye gi nga gu mama, a si khathali khu gyanana a nga gi dusago khu mahembeni gwaye, gani? Ambari uye a gu divaledwa, eni gima kha nyi na nga divaledwa khuwe.

Matewu 10:36

Khu kharato, valala nya muthu va na dugela muvalongoni gwaye.

Johane 16:32

Dzitini nya gukhenu gi ngu vboha gikhati, khigyo egi kamwe, mu na guta phalalegiswago, muthu ni muthu a hongola gaya gwaye, mu nyi tshiya nyenga. Aholu khandreni nyenga, kholu Babe a na ni eni.

Johane 9:35

Jesu, na pwide gupwani va mu tutumiside, a di mu mana a mu wudzisa, khuye: “U ngu khodwa ga Mwamana wa Muthu, gani?”

2 Thimoti 4:16

Gulamudwani gwangu nya guphele mwalo na moyo a nga nyi emela, vatshavbo va di nyi diga. Nungungulu a na va tsetselele.