Dzindzimo 23:4 - Bhibhiliya Nya Guage

⁴ Ambari nyi gimbila kovani nya gidema nya lufu, kha nyi na thava gilo, kholu u womo vbafuvbi gwangu; ndronga ni tshetengelo wago yi ngu nyi tiyisa.

Dzindzimo 23:4 Iomraidhean Croise

Joba 24:17

Ga avo, mihani kha nga mutsa nya lufu wu thavisago; kholu avo va olovede guthisa nya gidema nya wutshigu.

Joba 3:5

Li na fenengedzwe khu gidema, li tshiredzwa khu lipfhi nya gufe. Vathu va thedwa hwanga khu pfhuphelo waye!

Dzindzimo 110:2

Pfhumu Nungungulu a guromo Siyoni a na tiyisa ndronga nya wufumu waye a ganela, khuye: “Fuma vbakari ya valala vago.”

Dzindzimo 118:6

Pfhumu Nungungulu a na ni eni, kha nyi thavi gilo; a nga nyi gira ginani muthu?

Dzindzimo 138:7

Nya gu bani nyiri vbakari nya dzimhango, uwe u ngu nyi vbanyisa, wa gu thawuludza libogo lago la nyamudye u nyi vhikela ga valala vangu; u nyi vbanyisa khu tshivba yago.

Dzindzimo 14:5

Va na ndrendremela khu hwanga kholu Pfhumu Nungungulu a gu ema ni vale va lulamidego.

Dzindzimo 3:6

Kha nyi thavi talo nya vathu va nyi randredego khu maphuvbo yatshavbo.

Dzindzimo 44:19

gasi gu hi pfara avbo yi vbanyago migehe, u hi fenengedza khu gidema nya lufu.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Jeremiya 2:6

Nyamba wudzisa, gukhavo: “Womo hayi Pfhumu Nungungulu a hi dusidego khu tigoni ga Egipito, uye a nga hi gimbidzisago giwulani, litigo nya gihala, nya gutale khu mavbala ni gidema nya guthise ni dzimhango; litigo nyamba gimbidwa ni gu khadwa khu muthu?”

Mikeya 7:14

Havisa vathu vago khu ndronga yago, a gu dzinvuta nya tshambi nya thomba yago, dzi vbanyago khabini basi, vbakari nya mahawo nya gunone; dzi yise wuhaviseloni ga Bhasani ni Gileyadhi, kha nga matshigu ma vbindridego.

Zakariya 11:10

Khavbo avbo, nyi di dzega lipitso langu li ranwago pwani “Wuhindzi” nyi yi fanya, gu yeyedza gukheni nyi kavide gidzumeledzwano nyi nga bani nyi giride ni vathu vatshavbo.

Zakariya 11:14

Khu hwane nya ugo, nyi di dzega yimbe ndronga, yi ranwago Pwanano, nyi yi fanya niyo, gasi gu vbedza wulongo vbakari ga Judha ni Israyeli.

Zakariya 8:23

Pfhumu Nungungulu nya Tshivba Yatshavbo a ngu ganela kharati, khuye: “Ga matshigu yoyo, likhumi vama nya gute khu mafumbu yatshavbo nya malimi ma ganedwago khu vathu nya mayigo, va na phara tshoka nya mwendra wa moyo nya Mujudha nya gukari, va mu embela, khavo: Ethu ha guvbweta gu hongola gumogo nanu, kholu hi pwide gupwani Nungungulu womo gwanu.”

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Luka 1:79

gasi guta wenengedza avo va vbanyelago gidemani ni gusivbalani nya lufu, gumogo ni gu hi gimbidzisa khu ndzila nya gurule.”

2 Thimoti 4:22

Pfhumu a na khale ni uwe, wuhigo wa Nungungulu wu na khale ni enu. Amen.