Dzindzimo 23:3 - Bhibhiliya Nya Guage

³ A ya wusedza umo tshivba yangu. Uye a ngu nyi gimbidzisa dzindzilani nya gululame khu kotani nya lina laye.

Dzindzimo 23:3 Iomraidhean Croise

Joba 33:30

gasi gu dusa mihefemulo yawe phalani nya vafi, a yi vbanyisa khu wenengedzo nya avo va vbanyago.

Dzindzimo 106:8

Ambari ulo a di va vbanyisa khu kotani nya gisambanyo gyaye, afela gu wonegisa tshivba nya wugulu waye.

Dzindzimo 109:21

Aholu, uwe Pfhumu Nungungulu nyi emele u nyi vbulugisa khu kotani nya lina lago, nyi vbanyise khu wuhindzi ni lihaladzo lago.

Dzindzimo 119:176

Nyi ngu legalega kha nga nvuta yi pengago; vbweta githumi gyago, kholu kha nyi divali sirumo sago.

Dzindzimo 19:7

Nayo wa Pfhumu Nungungulu wu lulamide, wu ngu hefemudza monyo; wufakazi wa Pfhumu Nungungulu wu tiyide, gihevbudzo ga oyu nyambati gilo.

Dzindzimo 31:3

Aholu khuwe libhiyo langu; khu lina lago nyi endredze u nyi nonedza ndzila.

Dzindzimo 31:4

Nyi duse dzikhogani va nyi thesedego, kholu khuwe tshivba yangu.

Dzindzimo 34:3

Rungudzani Pfhumu Nungungulu gumogo ni eni, hi na khusedze lina laye ethu hatshavbo.

Dzindzimo 5:8

Pfhumu Nungungulu, nyi gimbidzise khu gululama gwago, khu kotani ya valala va nyi holelelago; lulamisa ndzila yago mbeli gwangu!

Dzindzimo 51:10

Nungungulu, vega monyo nya wadi ndrani gwangu u wusedza liphuvbo nya gutiye monyoni gwangu;

Dzindzimo 51:12

Nyi wuyisele nyaluphye gutsaka khu guvbanyisa gwago li na nyi tiyise liphuvbo nya wuhindzi.

Dzindzimo 79:9

Hi phase Nungungulu muvbanyisi wathu, khu wudhumo nya lina lago, hi tshudzise u hi tsetselela siwono sathu, khu lihaladzo nya lina lago.

Dzindzimo 85:13

Gululama gu na thanga mbeli ga Nungungulu, avbo a gandrago avbo, ya gu tulega ndzila.

Mavingu 4:11

Nyi gu hevbudzide khu dzindzila nya guti, nyi gu gimbidzisa khu sindzilana nya gululame.

Mavingu 8:20

Nya gu gimbila khu ndzila nya gululame, vbakari nya wulamuli wu lulamidego.

Isaya 42:16

Nyi na gimbidzisa sikhumu khu ndzila si si yitigo, nyi va gimbidzisa khu sindzilana nya gu gima kha sa nga gimbila khiyo, mbeli gwawe nyi na vbindrugedza gidema gi khala guwonegela, ni dzindzila nya sikhidinga dzi na guledzedwa. Silo sesi nyi na si gira satshavbo nyamba tshiya ni gimwegyo.

Jeremiya 31:25

Kholu nyi na rudzisa mihefemulo yi garadego ni gu ninga tshivba iyo yi khuvegidego.

Jeremiya 31:8

Wonani gukhenu, nyi na va wuyisa khu tigoni ga Wuronga, nyi va tombanisa va duga mahegiso nya litigo; nyi na va wuyisa gumogo ni sikhumu, va nya guhasa, vanyamayi nya dzimimba ni vale va lumwago.

Ezekiyeli 20:14

Aholu khu lihaladzo nya lina langu, kha nya dzina kheni lina langu li nyenyeziswa na li gu wonwa khu mayigo, a gu vathu va nyi wonidego na nyi va dusa khu tigoni ga Egipito.

Vaefeso 1:6

Gasi gu dhumisa gungangamela nya wuhigo waye, a hi ningidego khu ga Mwanaye nya gigodwa.

Gutuledwa 3:19

Eni, nya gu kawuka ni gu laya avo nyi va golago. Khu kharato, dzi garadze, u vbindrugedza mavbanyelo u wuye ga Nungungulu.