Dzindzimo 23:1 - Bhibhiliya Nya Guage

¹ Pfhumu Nungungulu muhavisi wangu; kha nyi na keneledwa khu gilo.

Dzindzimo 23:1 Iomraidhean Croise

Dzindzimo 34:11

Vanavangu deluni muta nyi yingisa; eni nyi na mi hevbudzani githawo ga pfhumu Nungungulu.

Dzindzimo 78:52

Uye a di dusa vathu vaye kha nga dzinvuta, kha nga muhavisi a ghulago tshambi waye, khu vbakari nya giwula.

Dzindzimo 79:13

Gasi ethu hi gu vathu vago, dzinvuta nya tshambi wago ethu ni livelego lathu hi na gu dhumisa, hi embelela hi gu bonga kala gupindruga.

Dzindzimo 84:11

Kholu Nungungulu khuye lidambo ni muvhikeli; Pfhumu Nungungulu a ngu ninga wuhigo ni wudhumo; Uye kha bombi gu girela wuwadi vale va girago ndruda.

Isaya 40:11

Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Jeremiya 31:10

Enu mayigo, yingisani magana ya Pfhumu Nungungulu, ma pwadzeni ga mayigo ya sidwani ga hwindzo, mu ganela, khenu: Wule a phalalegisidego vathu va Israyeli, a na va tombanisa ni gu va hetedza, kha nga muhavisi a tshanganisago tshambi waye.

Ezekiyeli 34:14

Nyi na dzi havisa mahawoni nya yadi, ni sigomoni nya gulaphe sa Israyeli, gu na bani guri wuhaviseloni gwawe; dzi na khala umo wuhaviseloni gwawe, dzi na mana mahawo nya yadi sigomoni sa Israyeli.

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Mikeya 5:4

Uye a na simama a havisa vathu tshivbani ga Pfhumu Nungungulu, ni wugulu nya tshivba khu lina la Pfhumu Nungungulu waye avo va na khala mugurulani, kholu wugulu waye wu na vboha kala mahegiso nya litigo.

Matewu 6:33

Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa.

Johane 10:11

“Eni nyi muhavisi nya wadi. Muhavisi nya wadi a ngu ningela womi khu gufela dzinvuta dzaye.

Johane 10:14

Eni nyi muhavisi nya wadi. Nyi ngu dziti dzinvuta dzangu; ni idzo dzi ngu nyiti.

Varoma 8:32

Uye a ngamba felela Mwamana waye, a nga mu ningela khu kotani yathu, ginani gi na mu tandregisago gu hi ninga satshavbo simbe silo gumogo ni Mwanaye?

Vafilipi 4:19

Nungungulu wangu a na mi phase khu satshavbo mu si vbwetago, khu gutala nya wufumu ni wudhumo waye ga Kristo Jesu.

Vahebheru 13:20

Khu guralo, Nungungulu nya gurule, khu novba nya gidzumeledzwano nya gupindruge wuside khu ga vafudego Pfhumu yathu Jesu Kristo, a khadego Muhavisi nya khongolo nya tshambi.

1 Pedro 2:25

Kholu enu, gale mu di gu khala nga dzinvuta nya gudzimele, olu mu wuyisidwe ndzilani, gasi muta landra Muhavisi ni Musayisi nya mihefemulo yanu.

1 Pedro 5:4

Gikhati a na gutago Muhavisi nya khongolo, mu nata hakha gihugu nya wudhumo nyamba kuwuluga.

Gutuledwa 7:17

Kholu Nvutana yi guromo vbagikhalotunu nya wufumu khiyo yi va havisago, yi va yisa namboni nya mati nya womi. Nungungulu a na va bavbula marongo yawe yatshavbo.”