Dzindzimo 20:7 - Bhibhiliya Nya Guage

⁷ Vambe va gu tumba dzikareta, vambe va tumba dzikavalu; gasi ethu ha gu rana lina la Pfhumu Nungungulu wathu.

Dzindzimo 20:7 Iomraidhean Croise

2 Samuweli 10:18

Aholu Vaasiriya va di tutuma mbeli ga va na Israyeli, Dhavhidhe a di songa livbandre na mavili mazana (700) vama nya gugimbidzise dzikareta, ni magumana magumi mazana (40.000) vama nya gu khilele dzikavalu; a songa ni Sobhaki, muthangeli nya nyimbi.

2 Samuweli 8:4

Dhavhidhe a di mu wandrela likhumi na livbandre na mavili mazana (1.700) vakhileli nya dzikavalu, ni magumavili magumi mazana (20.000) vama nya gugimbile khu mawundru, a pila misivba nya dzikavalu dzatshavbo nya gundrindre dzikareta, a tshiya basi nya gudingane lizana (100) nya idzo.

2 Dzikoronika 13:16

Va na Israyeli va di tutuma mbeli ga Judha; Nungungulu a va ningela mandzani gwaye.

2 Dzikoronika 14:11

Asa a di womba huwa a rana Pfhumu Nungungulu waye, a ganela, khuye: Pfhumu Nungungulu, vbavbandze gwago, mwalo mumbe a kodzago guphasedzela avo va gu mwalo tshivba, va gu wugedwa khavo va gu ni tshivba. Hi phase Uwe Pfhumu Nungungulu wathu, kholu ethu ha gutumba Uwe, hi somide nyimbi yeyi Linani gwago, guta dwana ni mwandra yoyu; Pfhumu Nungungulu, Uwe, khuwe Nungungulu wathu, a nga manegi muthu nya gu gupale.

2 Dzikoronika 32:8

Uye libogo nya wuthu basi a gu nalo, aholu ethu, hi na ni Pfhumu Nungungulu wathu, gasi gu hi phasedzela ni gu hi dwanela dzinyimbini gwathu.” Khavbo avbo, vathu vatshavbo va di tangadziswa khu magana ya Ezekhiya, mufumeli wa Judha.

Joba 39:11

U na yi tumba khu kotani nya tshivba yaye nya yikhongolo, gasi yi gu limela mahange u ma vbwetago, gani?

Dzindzimo 28:8

Pfhumu Nungungulu tshivba nya lihundzu langu, likhokhola li vbanyisago gihathwa gyaye.

Dzindzimo 45:17

Lina lago nyi na li gira li alakanywa khu mimela ni mimelana, mayigo ma na gu rungudza gikhati gyatshavbo kala gupindruga.

Mavingu 21:31

Khu litshigu nya litunga, va gu dongisela kavalu, aholu Pfhumu Nungungulu khuye a ningago tshivba nya gupale.

Isaya 30:16

Aholu mu di phindrula, khenu: “Ahihi! Hi na thava na hi khilede dzikavalu nya mazambo!” Ina mu na thava! Mu engedza, khenu: Hi na khilela dzikavalu nya mazambo. Khu guralo, idzo nya mazambo ngudzu, khidzo dzi na gu mu lundrago.

Isaya 31:1

Libango ga avo vayago Egipito guya lomba giphaso, na va gu tumba dzikavalu; Va gu tumba dzikareta ni va vakhileli vakone, kholu avo vangi, na vari ni tshivba ngudzu, aholu va si theli kota khuye a Agidego wa Israyeli, ambari gu vbweta giphaso ga Pfhumu Nungungulu.

Jeremiya 17:5

Pfhumu Nungungulu a ngu ganela kharati, khuye: A na vadwe muthu wule a tumbago muthu kwawe, a dzi seketela avbo nya givangwa nya nyama ni novba, monyo waye na wuri hwindzo ni Pfhumu Nungungulu!

1 Samuweli 13:5

Vafilisitiya va di tombanisa magumararu mazana (3.000) dzikareta ni livbandre na limwedo magumi mazana (6000) vakhileli ni vathu nya gidzemo nya nga mafu ya funguni, gasi vaya dwana ni Israyeli; va di khuga vaya zumba dhoropani ga Makimasi, Khugadambo wa Bheti-Avheni.

1 Samuweli 2:10

Valala va Nungungulu va na pandreledwa; vbatshani gwawe, gu na pandra mabara khu ndzadzini. Pfhumu Nungungulu a na lamula mahegiso nya litigo; Uye a na ninga tshivba mufumeli waye, a na khusedza tshivba ya gihathwa gyaye.”