Dzindzimo 20:5 - Bhibhiliya Nya Guage

⁵ Hi na mane gunengela khu gupala gwago, hi khusedza ngavbya khu lina la Nungungulu wathu! Pfhumu Nungungulu a na tadzise gu lomba gwago gwatshavbo!

Dzindzimo 20:5 Iomraidhean Croise

Dzindzimo 118:15

Mitshatshani nya vathu nya gululame gu pwala lito nya gunengele ni guvbanyisa, khavo: “Libogo la nyamudye la Pfhumu Nungungulu li ngu samadzisa.

Dzindzimo 13:5

Eni nyi tumbide wuhigo wago; monyo wangu wu na nengela, kholu u na nyi vbanyisa.

Dzindzimo 19:4

Ambari ulo gudzuma gwawe gu ngu pwala tigoni gwatshavbo, lito lawe li ngu pwala kala mahegiso nya mafu; khiyo a vbahedego tshatsha lidambo.

Dzindzimo 21:1

Mufumeli a ngu nengela khu tshivba yago; Pfhumu Nungungulu, a ngu tsaka khu guvbanyisa gwago! Kholu u mu ningide gupala.

Dzindzimo 21:3

Kholu uwe wa gu mu thangela khu makategwa nya makhongolo, u ngu mu ambagisa gihugu nya ndralama hungoni.

Dzindzimo 35:9

Hefemulo wangu wu na nengela ga Pfhumu Nungungulu, nyi na tsaka khu gu vbanyiswa khuye.

Dzindzimo 60:4

U ningide ngavbya avo va gu ningago githawo, gasi va vbuluga ga gighalala gya nala.

Dzindzimo 9:14

Nyi fela gu embelela wuzundzo dzinyangwani ga gyagadzyana gya Siyoni, nyi nengela kholu u nga nyi vbanyisa.

Ekisodha 17:15

Mosi a di gira giluvelo a gi rana khu lina nya gupwani: “Pfhumu Nungungulu khuye Ngavbya yangu.”

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Mikeya 4:5

Kholu mafumbu yatshavbo ma na gimbila, muthu ni muthu ni nungungulu waye, aholu ethu hi na landra lina la Pfhumu Nungungulu wathu, khavbo gu si vbeligo.

Habhakuka 3:18

ambari khu guralo, eni nyi na khusedza Pfhumu Nungungulu, nyi nengela ga Nungungulu nya guvbanyise gwangu.

Luka 1:47

ni monyo wangu wu ngu nengela ga Nungungulu, Muvbanyisi wangu,

1 Samuweli 1:17

Khavbo avbo, Eli a di mu hakha, khuye: “Indra khu gurula, Nungungulu wa Israyeli a na gu ninge gilombo u mu lombidego.”

1 Samuweli 17:45

Khu guralo, Dhavhidhe a di embela Mufilisitiya, khuye: “Uwe wa guta gwangu u ta nyi dwanisa na wuri ni litshari, ni giholoma gumogo ni sighalala nya sugu, aholu eni nya guta gwago khu lina la Pfhumu Nungungulu nya Tshivba Yatshavbo, Nungungulu nya Dzitshivba dza Israyeli, Uye uwe u mu vadego.