Dzindzimo 2:11 - Bhibhiliya Nya Guage

¹¹ Khozelani Pfhumu Nungungulu khu githawo mu tsaka ni gu ndrendremela mbeli gyaye.

Dzindzimo 2:11 Iomraidhean Croise

Dzindzimo 89:7

Khu lisine Nungungulu a ngu thavisega tshanganoni nya sihathwa; a ngu thavisega guvbindra sivangwa satshavbo si mu randredego.

Dzindzimo 97:1

Pfhumu Nungungulu a ngu fuma. Li na kulungele litigo, gu na nengele talo nya sidwa.

Dzindzimo 99:1

Pfhumu Nungungulu a ngu fuma! Ma na ndrendremele mayigo. Khade vbatshani nya dzikerubhimi li ngu khuyuga litigo.

Vafilipi 2:12

Khu kharato, vandriyangu, sigodwa sangu, kha nga mu nyi yingisidego gikhati gyatshavbo nyi khadego vbakari gwanu, nyi yingiseni gambe ni olu nyi guromo hwindzo. Thumelani guvbanyiswa gwanu khu githawo ni gu dzi nogisa,

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.