Dzindzimo 19:7 - Bhibhiliya Nya Guage

⁷ Nayo wa Pfhumu Nungungulu wu lulamide, wu ngu hefemudza monyo; wufakazi wa Pfhumu Nungungulu wu tiyide, gihevbudzo ga oyu nyambati gilo.

Dzindzimo 19:7 Iomraidhean Croise

2 Samuweli 23:5

Wufumu wangu wu khalegide gwadi mbeli ga Nungungulu. Kholu uye giride ni eni gidzumeledzwano nya gupindruge, gidzumeledzwano gi tumbegidego gi dongisedwego gwadi. Uye a na nyi gira nyi dugelela ga satshavbo a nyi ninga satshavbo nyi si vbwetago.

Joba 23:12

Kha nya hambana ni sileletelo sa kanani gwaye, magana yaye nyi ma vegedzide ndrani nya monyo wangu.

Dzindzimo 111:7

Mithumo nya mandza yaye khya gutumbega ni lisine, sileletelo saye satshavbo si tiyide.

Dzindzimo 119:105

Magana yago kandriya nya migondro yangu, ni wenengedzo nya dzindzila dzangu.

Dzindzimo 119:111

Milayo yago yi khade thomba yangu kala gupindruga, kholu yi ngu tsakisa monyo wangu.

Dzindzimo 119:130

Tshamuselo nya mahungu yago wu ngu tula maho, wu ngu ninga gupima va nya gusolega.

Dzindzimo 119:14

Nya gu tsaka khu ndzila nya wufakazi wago, guvbindra gu mana dzithomba dzatshavbo.

Dzindzimo 119:152

Gale nyi na sitide sileletelo sago, gukheni khuwe u si tiyisidego kala gupindruga. Resh

Dzindzimo 119:24

Nyi ngu nengela ngudzu khu milayo yago; khiyo yi nyi ningago wusingalagadzi. Dalet

Dzindzimo 119:72

Nayo wu dugago khu kanani gwago, wu na ni giphaso ngudzu, guvbindra mazana ni mazana nya ndralama ni parata. Yod

Dzindzimo 119:9

Lidzaha li na dzi khodza karini gu agisa mavbanyelo yaye? Khu gu vegisa basi mahungu yago.

Dzindzimo 18:30

Ndzila ya Nungungulu yi lulamide, magana ya Pfhumu Nungungulu ma tumbegide, khuye gitshangu ga vatshavbo va thavelago gwaye.

Dzindzimo 23:3

A ya wusedza umo tshivba yangu. Uye a ngu nyi gimbidzisa dzindzilani nya gululame khu kotani nya lina laye.

Dzindzimo 93:5

Milayo yago yi tumbegide ngudzu; nyumba yago Pfhumu Nungungulu yi fanede gu aga kala gupindruga!

Mavingu 1:4

mavingu ma ngu gengedzisa avo nyambana mano, ma ninga madzaha wugengeli ni gupimisa.

Isaya 8:16

Vegedza wufakazi wangu, u namega nayo ga vapizane vangu.

Isaya 8:20

Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Johane 5:39

Enu mwa gu fulugutela Milowo na mu gu alakanya gu mana guvbanya nya gupindruge; khiyo kamwe Milowo yi fakazago khu eni.

Mithumo 10:43

Vatshavbo vaprofeti va fakazide khu mahungu yaye, khavo: “Muthu watshavbo a khodwago a na mana gu tsetseledwa nya sighoho Linani Gwaye.”

Varoma 12:2

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

Varoma 15:4

Kholu satshavbo si guromo omu nya Milowo nya Guage si lovedwe gu khala gihevbudzo gwathu, gasi hi mane gutumba khu kotani nya gutimisele hi gu manago umo nya Milowo nya Guage.

Varoma 3:2

Gyomo giphaso ngudzu khu silo nya singi. Gilo nya guphele, Nungungulu tshiyedzide Vajudha magana yaye.

Dhewuteronome 32:4

Uye Giwindri nya gutiye, thumo waye wu vbelede, kholu dzindzila dzaye dzatshavbo dzi lulamide! Nungungulu tumbegide, avbo gwaye gu mwalo gukanganyisa; Uye khwa lisine ni gululama.

Vakolosi 3:16

Mahungu ya Kristo ma na vbahe ndrani gwanu ma gu andra khu guti gwatshavbo hevbudzanani, mu ningana wusingalagadzi khu gyanu. Embelelani dzindzimo ni sizimba na mu gu bonga Nungungulu khu monyo wanu watshavbo.

2 Thimoti 1:8

Khu kharato, u nga khali dzitshoni gu fakaza Pfhumu yathu, gambe u nga khali dzitshoni khu eni nyi gu gibotshwa khu kotani yaye. Aholu saniseka gumogo ni eni khu kotani nya Ivhangeli nu gu tiyiswa khu tshivba ya Nungungulu.

2 Thimoti 2:19

Aholu tiyiso wu nga emiswa khu Nungungulu wu tiyide, wari khuwo: “Pfhumu a ngu va ti avo va gu vaye.” Gu lovidwe gambe pwani: “Vatshavbo vale va dhumisago lina la Pfhumu, kha va beli guvivbani.”

Jakobe 1:17

Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

Josuwa 1:8

U nga garali khu gu ganela khu libhuku nya Nayo; aholu gu vbwetega wutshigu ni mihani u alakanyela, gasi u landrisa satshavbo iso si lovidwego umo; khavbo avbo, u na andra ndzilani gwago bwelo khavbo u dugelela.

Gutuledwa 19:10

Eni nyi di thega migondroni gwaye gasi gu yi khozela. Aholu, iyo yi di nyi embela, khiyo: “Ahihi! Wona gwadi! Eni nyi githumi kha nga uwe ni vandriyago vatshavbo va girago wufakazi wa Jesu. Nungungulu khuye basi a fanelago gu khozedwa.” Khu lisine, wufakazi wa Nungungulu khu liphuvbo nya wuprofeti.