Dzindzimo 16:11 - Bhibhiliya Nya Guage

¹¹ U na nyi yeyedza ndzila nya guvbanye, nyi na tala khu gutsaka mbeli gwago, nyi napwa gutshamba nyamudye gwago kala gupindruga.

Dzindzimo 16:11 Iomraidhean Croise

Dzindzimo 139:24

u wona mwendro nyi ngu gimbila khu ndzila nya guvivbe u nyi gimbidzisa khu ndzila nya gupindruge.

Dzindzimo 17:15

Gasi eni, khu lisine, nyi na wona khovbe yago; gikhati nyi wugago nyi na khura khu gu wona giyemo gyago.

Dzindzimo 4:8

Nyi ngu lala ligovbe nyi hefemula khu gurula, kholu, uwe Pfhumu Nungungulu khuwe basi u nyi ningago guvbanya na nyi tiyide.

Dzindzimo 68:4

Embani ga Nungungulu, mu dhumisa lina laye khu dzindzimo; tulelani ndzila oyu a khiledego vbatshani nya mapfhi. Lina laye khu Pfhumu Nungungulu, nengelani mahoni gwaye.

Mavingu 12:28

Guvbanya gomo ndzilani nya gululame, uye a yi landrisago gima kha mani lufu.

Mavingu 2:19

Vatshavbo va mu vbwetago, gima kha va na nga wuya, gambe kha va na nga mana ndzila nya guvbanye.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Mavingu 5:6

Kha khathali khu ndzila yi hongolago guvbanyani, dzindzila dzaye kha dzi mu yisi danga; gambe uye mune kha dzi woni.

Isaya 2:3

Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Matewu 25:33

Dzinvuta a na dzi vega khu nyamudye; gasi dziphongo a na dzi vega khu nyambade.

Matewu 25:46

Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

Matewu 5:8

Va kategide va nya myonyo nya yadi, kholu va na wona Nungungulu.

Matewu 7:14

Gasi ndzila yi yisago guvbanyani yi hongide ngudzu; mwanya wakone nuwo. Vadugwana va belago khiyo.

Marko 16:19

Hwane nya gu bani na ganede navo, Pfhumu Jesu, a di khusedzedwa Ndzadzini, aya khala nyamudye ga Nungungulu.

Mithumo 2:28

U nyi tulede guti dzindzila nya guvbanye. U na nyi tadzisa khu gutsaka nya guwone khovbe yago.’

Mithumo 7:56

Sitefane a ganela, khuye: “Nyi ngu wona ndzadzi na yi tulegide ni Mwamana wa Muthu na emide nyamudye ga Nungungulu.”

Varoma 8:11

Mwa gu bani muri ni Liphuvbo la wule a nga wusago Kristo khu ga vafudego a mu wuyisa guvbanyani, uye a wusidego Kristo, a na wusa niso sivili sanu nya gufe khu tshivba nya Liphuvbo nya Guage li vbanyago ndrani gwanu.

1 Vakorinto 13:12

Olu ha gu wona kha nga vbalibonatunu nya gupfhurele; gi na vboha gikhati hi na wonago satshavbo khovbe ni khovbe. Olu guti gwangu gu ngu kenelela, aholu, khu gikhati gyakone nyi nati satshavbo kha nga edzi nyi tidwago khidzo.

2 Vakorinto 4:17

Kholu gusaniseka gwathu nya guvbevbuge nya gikhatinyana gwa gu hi dongisela guya bela wudhumoni nya wukhongolo nyamba vbela, wudhumo wu vbindrago gusaniseka gwatshavbo.

Vaefeso 3:19

lihaladzo leli la Kristo, ambari ulo a gu mwalo muthu a dzi kodzago gu liti khu guvbelela, gasi enu mu mane gutala khu wufumu watshavbo wa Nungungulu.

1 Pedro 1:21

Khavbo gwaye, enu mu ngu khodwa ga Nungungulu a mu wusidego khu ga vafudego, a mu ninga wudhumo. Khu guralo, gukhodwa ni gutumba gwanu gomo ga Nungungulu.

1 Pedro 3:22

A litidego ndzadzini aya khala nyamudye ga Nungungulu, a fumela dzingilozi dzatshavbo ni vafumeli ni dzitshivba dzatshavbo dza ndzadzini.

1 Johane 3:2

Sigodwa sangu, ethu olu hi sanana sa Nungungulu, aholu, hi si gu dziti gukhethu hi na bani hiri ginani. Ethu ha guti esi nya gukhethu, gikhati Kristo a na dzi wonegisago, hi na fanana naye, kholu hi na mu wona wurumba waye, nga edzi a guromo khidzo.

Judha 1:24

Aholu, wule a gu na ni tshivba nya gu mi vhikele, gasi mu si dhedhereki; ni gu mi vbwelegedza a mi vbohisa na mu tsakide, na mu agide nyambana giwono mbeli nya wudhumo waye;

Gutuledwa 22:5

Gima kha gu na manega gambe wutshigu; kha gu na vbwetega safa nya mwenge, ambari guwenengedza nya lidambo, kholu Pfhumu Nungungulu a na wenengedza vbatshani gwawe, avo va na fuma khu gupindruga nya gupindruge.