Dzindzimo 15:5 - Bhibhiliya Nya Guage

⁵ Oyu a si fiyarisigo dzitsapawu khu gu fela bhindzu oyu a si dzumeligo gu rengeledwa khu dzitsapawu, a girela guvivba muthu kwawe nyambana nandru. Oyu a girago kharati, gima kha na dhedhereka.

Dzindzimo 15:5 Iomraidhean Croise

Dzindzimo 106:3

Va kategide avo va landrisago milayo yaye, va girago esi si lulamidego gikhati gyatshavbo.

Dzindzimo 112:6

Kholu uye gima kha na thega vbavbatshi; muthu nya gululame a na alakanywa kala gupindruga.

Dzindzimo 16:8

Gikhati gyatshavbo nya gu vega Pfhumu Nungungulu mbeli gwangu, khu guralo, uye khade nyamudye gwangu, gima kha nyi na thava gilo.

Dzindzimo 55:22

“Vega womi wago ga Pfhumu Nungungulu, uye a na gu sayisa; gima kha na dzumedzisa muthu nya gululame gu a thega vbavbatshi.”

Ekisodha 22:24

Likhulo langu li na vbisa, nyi mi songa khu matshari, gasi vagadzi vanu va khale dzinoni ni sanana sanu si khala niso dzikhulungu.

Ekisodha 22:25

Wa gu lombisa dzitsapawu moyo nya gisiwana a lumbago vathu vangu u vbanyago naye u nga giri khu gu mu livbisa bhindzu, u nga lombisi khu gufela gukhuwe dzi velegele.

Mavingu 10:30

Muthu nya gululame gima kha na kutsungwa khu gilo, aholu avo nya guvivbedwe khu monyo, kha va na khala mafuni momu.

Mavingu 12:3

Muthu nya guvivbedwe khu monyo, kha hweli gu thega, aholu uye a lulamidego kha khuyugi, kholu a na ni mikhamba yi tiyidego.

Mavingu 15:27

Muthu nya makolo a gu thela libango ndrangani gwaye, gasi uye a gumba dzumela gu rengeledwa, a na vbanya.

Isaya 33:15

Wule a gimbilago khu ndzila nya gululame ni gu ganela lisine; oyu a si khathaligo khu dzithomba nya guphangwe, oyu a si hakhigo khu mandzani gwaye silo nya gu rengeledwe; oyu a tshikago dzindzeve gasi a si yingisi mahungu nya gusonge, oyu a segago maho gasi a si woni guvivba.

Ezekiyeli 18:17

Gi himbedzela mandza yaye gu gira guvivba, gi si fiyarisi khu gu vbweta bhindzu, gi gira gululama gwangu, gi landrisa sileletelo sangu, gyanana gyogyo, kha gi na ngafa khu kotani nya guvivbe ga babe waye; khu lisine gi na vbanya.

Ezekiyeli 18:27

Aholu muthu nya guvivbedwe khu monyo, a gu hambana ni guvivba gwaye, a gira ugo gu lulamidego ni nayo, uye a na vbulugisa womi waye a vbanya.

Ezekiyeli 18:8

Kha lombisi dzitsapawu khu gu vbweta bhindzu, ambari guvbweta gu dzi velegisa, a ngu himbedzela mandza yaye gu gira silo nya guvivbe, a gu gira wulamuli nya gululame vbakari nya muthu ni muthu.

Ezekiyeli 22:12

Vbakari nya vathu vago, vomo va dzumelago gu rengeledwa gasi gu vbaladzwa novba; va fuyariside dzitsapawu gasi gu kodza gu mana bhindzu, u kanganyisa muakelane wago khu gu mu dzegela silo saye; gambe uwe u divaledwe khu eni.” A ngu ganela Pfhumu Nungungulu.

Mikeya 7:3

Mandza yawe ma dzi emisede gasi gu gira guvivba; vathangeli va gu lomba siningwa, mulamuli a gu dzumela gu rengeledwa, va nya guthavisega va gu ganela khu manavelo ya monyoni gwawe, khu magirelo yaya, vatshavbo vadzuwungeli.

Matewu 26:15

“Kharini mu na gu nyi livbago nya gu mi ningani Jesu?” Avo va di mu ninga magumararu singerengere nya silivha.

Johane 13:17

Kha nga olu mu sitigo silo sesi, mu na bani mu kategile mwa gu si landrisa.

Dhewuteronome 16:19

U nga hambanisi wulamuli, u nga hatheli vathu, ambari gu rengeledwa; kholu wurengeleli wu ngu sega maho ya va nya guti, gambe wu ngu ndreyisa mahungu ya va nya gululama.

Dhewuteronome 23:21

Wa gu gira gisambanyo nya gukari ga Pfhumu Nungungulu wago, u nga hweli gu gi tadzisa; kholu khu lisine Pfhumu Nungungulu wago, kha na hwela gu gu hengula, gambe gwago gu na manega gighoho.

1 Samuweli 12:3

Kheni oyu, nya gu bani nyi mi hosede ganelani mbeli ga Pfhumu Nungungulu ni mbeli ga uye a mu todzidego khu mafura; mombe ya mani nyi dzegidego? Buru ya mani nyi dzegidego? Khu mani nyi mu kanganyisidego? Khu mani nyi mu tshanisidego? Nyi hakhide khu mandzani ga mani dzitsapawu nya gurengeledwe gasi nyi sega likana? A gu bani na romo a na ganele, gasi nyi mu bweledzela.