Dzindzimo 142:7 - Bhibhiliya Nya Guage

⁷ Nyi duse pasoni momu, gasi nyi rungudze lina lago; nyi na randredwa khu vathu nya gululame, wa gu nyi ninga makategwa.”

Dzindzimo 142:7 Iomraidhean Croise

Dzindzimo 116:7

Hefemulo wangu, waya gurulani gwago, kholu Pfhumu Nungungulu a gu kategiside.

Dzindzimo 119:17

Girela nya sadi eni githumi gyago, nyi fela gu vbanya nyi landrisa mahungu yago.

Dzindzimo 119:74

Va gu nyi wona va na nengela avo va gu ningago githawo, kholu eni nyi ngu tumba magana yago.

Dzindzimo 13:6

Nyi na embelela nyi rungudza Pfhumu Nungungulu, khu makategwa a nyi ningidego.

Dzindzimo 142:1

Nyi ngu khusa lito nyi womba huwa ga Pfhumu Nungungulu; nyi ngu lombelela ga Pfhumu Nungungulu.

Dzindzimo 143:11

Pfhumu Nungungulu, nyi vbanyise khu kotani nya lina lago, nyi tshule gigaradzoni nya gikhongolo khu gululama gwago.

Dzindzimo 143:9

Pfhumu Nungungulu, nyi vbulugise ga valala vangu; kholu eni nyi ngu thavela avbo gwago.

Dzindzimo 146:7

Uye a lamulelago avo va saniswago, a ningago guhodza avo va gu ni ndzala. Pfhumu Nungungulu a ngu tshula avo va khothedwego.

Dzindzimo 31:8

Khwa nyi ningela mandzani ga valala, u tiyiside migondro yangu wulangani nya guaname.

Dzindzimo 34:2

Hefemulo wangu wu na dzi zundza khu Pfhumu Nungungulu, avo va dzi nogisago va napwa va nengela.

Dzindzimo 38:20

Avo va bweledzago wuwadi khu wuvivbi, va gu khala valala vangu, kholu eni nya gu landrisa wuwadi.

Dzindzimo 9:14

Nyi fela gu embelela wuzundzo dzinyangwani ga gyagadzyana gya Siyoni, nyi nengela kholu u nga nyi vbanyisa.

Dzindzimo 9:3

Wa gu vboha uwe, valala vangu va gu bwelela hwane, va tshunganela va mwalalega mbeli gwago.

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Mithumo 2:24

Aholu Nungungulu a mu wuside khu ga vafudego, a mu vbulugisa gusanisekani nya lufu, kholu a di si yedwi khu gu fumedwa khu tshivba nya lufu.

Jakobe 5:11

Ha gu wona gukhethu avo va tsakide kholu va nga timisela sigaradzo. Enu mu pwidego na gu ganedwa khu gutimisela ga Joba, mu ngu dzitini edzi Nungungulu a nga mu kategisa khidzo. Kholu Pfhumu tade khu wuwadi ni wuhindzi.