Dzindzimo 140:3 - Bhibhiliya Nya Guage

³ Va gu lodza malimi yawe gukhwatshi dzinyoga, magana yawe kha nga wuhungu nya mamba.

Dzindzimo 140:3 Iomraidhean Croise

Genesi 3:13

Pfhumu Nungungulu a di wudzisa nyamayi, khuye: “Ginani u giridego?” Nyamayi a di hakha, khuye: “Nyoga khiyo yi nga nyi senga, eni nyi wu hodza.”

Dzindzimo 57:4

Nyi randredwe khu valala va fananago ni dzinghala, va vbweta gu nyi hodza; magwaha yawe kha nga matshari ni siholoma, malimi yawe gukhwatshi migala nya gulodzwe.

Dzindzimo 58:4

Va na ni wuhungu nga dzinyoga; va fanana ni nyoga yi dzi girago givbwiri, yi tshika dzindzeve,

Dzindzimo 59:7

Va gu gamba liguvi nya ndzilo nya matshari khu maganani gwawe, na va gu alakanya gukhavo: “Mwalo muthu a va pwago.”

Mavingu 12:18

Vomo va dusago magana nya gupaye kha nga litshari, aholu lidimi la va nya guti, la gu ninga womi.

Mavingu 23:32

Guhegisani wa gu hodza kha nga nyoga, wu paya kha nga mamba.

Mavingu 6:14

Monyoni gwaye gu tade khu wudambane; gikhati gyatshavbo a gu luga gikungo nya guvivbe, a wusa mayunga.

Isaya 59:13

Hi ndragide milayo ya Pfhumu Nungungulu ni gu ganela malipha, hi dzi duside ga Nungungulu wathu, hi thumisa gigaha ni wuwugeli, hi ganela malipha ma tadego myonyoni gwathu.

Jeremiya 9:3

Va gu peta lidimi li fanana ni wulaho wu ghwimbidwego, gasi gu ganela malipha; va gu dzi tiyisa tigoni, aholu khandri khu lisine, kholu va gu tsakela guvivba, kha va khathali khu Eni; a ngu ganela Pfhumu Nungungulu.

Jeremiya 9:5

Maganani gwawe gu mwalo lisine, va gu kanganyisana khu gyawe, avo va di hevbudza lidimi lawe gu ganela malipha; va olovede gu gira guvivba, kha va kodzi gu dzi laya.

Gililo 3:62

ni magana nyamba vbela ma dugago matshigu yatshavbo khu maganani gwawe gasi gu nyi dwanisa.

Matewu 12:34

Enu livelego nya dzinyoga, mu na dzi kodza kharini gu ganela silo nya sadi, olu mu vivbedwego khu myonyo? Kholu likana la gu dusa iso si tadego monyoni.

2 Vakorinto 11:3

Aholu, nyi na ni hwanga nya gukheni mapimo yanu ma na ghoheka mu diga lisine, ni gukhodwa ga Kristo, kha nga olu Evha a nga sengwa khu malipha ni wugengeli nya nyoga.