Dzindzimo 14:2 - Bhibhiliya Nya Guage

² Pfhumu Nungungulu a di noga a khedzisa khu ndzadzini, a wona sanana nya vathu, khuye a na mana moyo nya wadi, mwendro moyo a vbwetago Nungungulu.

Dzindzimo 14:2 Iomraidhean Croise

Genesi 11:5

Pfhumu Nungungulu a di tshiga gasi guta wona lidhoropa ni langwe va nga bani va guvbaha vathu.

Genesi 18:21

Nyi na tshiga nyi yati lisine, mwendro huwa yi vbohidego dzindzeveni khiyo kamwe va giridego. Nyi na ya liti lisine.”

Genesi 6:12

Nungungulu a gu khedza mafuni a di wona guvivba basi, kholu vathu vatshavbo va di gimbila khu dzindzila nya gunyenyeze.

2 Dzikoronika 19:3

Ambari khu guralo, u di thumide silo nya sadi, kholu u duside tigoni madingo nya vanungungulu nya sifananiso, u vbweta Pfhumu Nungungulu khu monyo wago watshavbo.

2 Dzikoronika 30:19

a dongisedego monyo waye, gu vbweta Pfhumu Nungungulu, Nungungulu wa vababe vawe; ambari na va sa agiswa mayelano ni fanelo ya Nyumbani nya Guage.”

Joba 15:14

Khuye mani muthu, nya gukala a dzipwa na lulamide? A na lulama kharini na velegidwe khu nyamayi?

Dzindzimo 107:43

Oyu a gengedego a ngu thela kota khu silo sesi, a pimisa gwadi lihaladzo la Pfhumu Nungungulu.

Dzindzimo 11:4

Aholu, Pfhumu Nungungulu womo nyumbani gwaye nya guage; Pfhumu Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

Dzindzimo 69:32

Avo va sanisekago va na si wone va nengela khiso; gasi enu mu vbwetago Nungungulu, myonyo yanu yi na tsake

Dzindzimo 82:5

Sipumbu kha siti gilo, sa gu vbanya gidemani; giseketelo nya nayo ni gululama tigoni, gi ngu tsekatsekiswa.

Dzindzimo 92:6

Sipumbu kha si mati mahungu yaya, ambari va nya guhandruga kha va si pimi esi.

Mavingu 2:9

Khavbo avbo, u na guti gululama ni lisine, ni gu hevbula dzindzila dzatshavbo nya dzadi dzi vbwetegago.

Mavingu 8:5

Enu nyambana mapimo gengelani; enu sipumbu hevbulani gupimisa.

Mavingu 9:16

“Uye a gu gipumbu a nate eno!” Ni ga vale va gu mwalo mapimo, khuye:

Mavingu 9:4

“Enu mwatshavbo nyambana mapimo, deluni gwangu!” Ga avo va gumwalo mapimo, khiso:

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Isaya 55:6

Vbwetani Pfhumu Nungungulu, na gu nga gu dzumela gu mu mana; mu raneni olu a guromo vbafuvbi.

Isaya 63:15

Khedza khu vbatshani yoyo ndzadzini, u wona khu nyumbani gwago nya guage ni wudhumo. Gomo hayi gukhathalela gwago ni mithumo yago nya tshivba? Wuwadi wa monyoni gwago ni wuhindzi wago, khu si giri gambe avbo gwathu!

Isaya 64:1

Oh! Nari gupwani u ngu pferula ndzadzini u tshiga! Sigomo si di hadza gu tsekatseka mbeli gwago!

Isaya 8:19

Vambe va na mi kutsedzela, khavo: Wudzisani maphuvbo ya vale va fudego ni valoli nya dzisolo va ngurangurago ni gu lembelana; ina kamwe va na Israyeli va gu bani vari ni mahungu kha va na ngaya wudzisa Nungungulu wawe, gani? Ina avo va vbanyago va ngu yela guya wudzisa avo va fudego, gani?

Jeremiya 4:22

Vathu vangu mapemi, olu kha va nyiti gambe; sanana nya sipumbu nyambana mapimo; va gu gengelela ngudzu gu gira guvivba, aholu va tandrega gu gira iso nya sadi.

Jeremiya 5:1

Dzundrulugelani dzindzilani gwatshavbo ga Jerusalema, mu khedzani mitendrelani mu ta nyi embela mwendro saye mu na mana muthu moyo basi a tsakelago gululama ni gu gira ugo a gu lisine. Khavbo avbo, eni nyi na tsetselela Jerusalema.

Gililo 3:50

Kala Pfhumu Nungungulu a nyipwa a reledza maho yaye khu ndzadzini a si wona.

Dhaniyeli 12:10

Va nya gutala va na handzwa va aga ni gu lingwa, aholu va nya guvivbedwa khu myonyo va na gira silo nya guvivbe, mwalo nya avo a na gu si pimago, aholu va nya guti, va na si pima.

Matewu 13:15

Kholu myonyo ya vathu vava yi bangide, va segide dzindzeve ni maho yawe, gasi va si woni khu maho, va si yingisi khu dzindzeve, ni gu mana gwadi tshamuselo wakone, va vbindrugedze mavbanyelo, gasi eni nyi va vbanyise.’

Varoma 3:11

Mwalo muthu a gu ni mapimo nya yadi. Mwalo a vbwetago Nungungulu.

Vahebheru 11:6

Khu guralo, muthu nyamba khodwa kha dzi kodzi gutsakisa Nungungulu, kholu, oyu a hidzimelago ga Nungungulu fanede gukhodwa gukhuye Nungungulu womo, ni gukhuye a ngu tshatshazela avo va mu vbwetago.