Dzindzimo 139:23 - Bhibhiliya Nya Guage

²³ Nyi khedzise gwadi, uwe Nungungulu; nyi linge uti mapimo yangu;

Dzindzimo 139:23 Iomraidhean Croise

Joba 31:6

Nungungulu a na nyi vege vbagikalotunu gi lulamidego, a na dziti gukhuye nyi mwalo nandru;

Dzindzimo 11:4

Aholu, Pfhumu Nungungulu womo nyumbani gwaye nya guage; Pfhumu Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

Dzindzimo 11:5

Pfhumu Nungungulu a ngu wona oyu nya gululame ni oyu nya guvivbe, a venga oyu a golago wughevenga.

Dzindzimo 139:1

Pfhumu Nungungulu, uwe u nyi holelede gwadi, olu u ngu nyiti.

Dzindzimo 17:3

Ambari u khedzisa monyoni gwangu, u nyi linga vbakari nya wutshigu, u nyi lingedzela khu nilo, gima khu na nga mana guvivba ga eni; likana langu gima kha la yeyisa,

Dzindzimo 26:2

Nyi khedzise, Pfhumu Nungungulu, nyi linge, wona gugola nya monyo wangu ni mipimiso yangu;

Mavingu 17:3

Parata ya gu lingwa khu nilo ni ndralama ya gu nyiviligiswa khu lidhingiso, aholu myonyo ya vathu ya gu lingwa khu Pfhumu Nungungulu.

Jeremiya 11:20

Aholu, Uwe Pfhumu Nungungulu nya Tshivba Yatshavbo, mulamuli a lulamidego, U lingago mapimo ni hefemulo, dzi yeyedze gwangu khu gu livbisa vathu vava; kholu avbo gwago nyi vegide mahungu yangu.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Dhewuteronome 8:16

Khuye a nga gu ninga manaha mugiwulani u hodza ayo ma nga bani ma si tidwi khu vababe vanu; gasi gu gu tsayisa ni gu gu linga, gasi u kodze gu mu girela iso nya sadi.

Dhewuteronome 8:2

U na alakanya ndzila yatshavbo eyi Pfhumu Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.