Dzindzimo 135:11 - Bhibhiliya Nya Guage

¹¹ Bayiside Seyoni, mufumeli wa Vaamori, a songa Ogi, mufumeli wa Bhasani ni vafumeli vatshavbo Vakhanani.

Dzindzimo 135:11 Iomraidhean Croise

Nehemiya 9:22

Bwelo khavbo U va ningide mifumo ni mayigo yawe, U ma kabanisela khu sipandre, khu guralo, va di fumela litigo la Seyoni, litigo la mufumeli wa Hesibhoni ni litigo la Ogi, mufumeli wa Bhasani.

Dhewuteronome 2:30

Aholu Seyoni, mufumeli wa Hesibhoni, kha hi diga hi vbindra khu tigoni gwaye, kholu Pfhumu Nungungulu wanu, a di bangisa hefemulo wawe, a bangisa myonyo yawe, gasi a kodza gu mu ningela mandzani gwanu, kha nga si wonegago kala na muhuno.

Dhewuteronome 29:7

Na mu vbohide ga wulanga wowu, Seyoni, mufumeli wa Hesibhoni, ni Ogi, mufumeli wa Bhasani, va di duga gasi guta hi dwanisa, aholu ethu hi di ta va pala.

Josuwa 24:12

Nyi di rumela gambe dzimifi mbeli gwanu, idzo dzi nga va tutumisago mbeli gwanu, gumogo gambe ni vafumeli vavili nya Vaamori, isoso khwa si kodza khu matshari yago ni wulaho wago.