Dzindzimo 127:3 - Bhibhiliya Nya Guage

³ Sanana giningwa hi hakhago khu ga Pfhumu Nungungulu, gu mana sanana gukatega.

Dzindzimo 127:3 Iomraidhean Croise

Genesi 1:28

Nungungulu a di va kategisa a va embela, khuye: “Velegelanani, mu andra, mu tadza mafu, mu ma fumela. Fumelani dzindzandzi dza matini, sinyoni ni sirengo satshavbo si vbanyago mafuni.”

Genesi 24:60

Va di kategisa Rebheka, khavo: “Uwe ndriyathu! U na khale melegi wa mazana ni mazana! Sanana sago si na dzege madhoropa ya valala vawe!”

Genesi 33:5

Khu hwane Esawu a di khusa maho a gu wona vanyamayi ni sanana, a wudzisa, khuye: “Va mani vago ava?” Jakobe a di phindrula, khuye: “Sanana esi Nungungulu a nyi ningidego eni githumi gyago.”

Genesi 4:1

Adhamu a di tshangana ni mwangadzi waye Evha. Oyu a di khura mimba a gu velega Kayimi. Avbo a nga hefemulago Kayimi, Evha a di ganela, khuye: “Nyi hakhide gyanana nya gikhwathana khu giphaso gya Pfhumu Nungungulu.”

Genesi 48:4

a nyi embela, khuye: “Nya gu vbweta gukheni u dandre u ninge mihandro; nyi na gu vbindrugedza nyi gu gira talo nya vathu nya mahundzu, nyi na ninga litigo leli ga sanana nya livelego lago, hwane ga uwe, li khala thomba yawe kala gupindruga.”

2 Samuweli 3:5

nya livbandre na moyo khu Iteriyamu, wa Egala, uye nuye a diri ngadza Dhavhidhe. Esi khiso sanana sa Dhavhidhe a velegedwego dhoropani ga Hebroni.

1 Dzikoronika 28:5

Gasi vbakari nya sanana nya singi a nyi ningidego, Uye hathide mwamana wangu Solomoni, gasi gu khala vbagikhalotunu nya wufumu wa Pfhumu Nungungulu, ni gu fumela litigo laye la na Israyeli.

1 Dzikoronika 8:40

Sanana sa Ulamo si diri vama nya tshivba, vakhwandri nya siholoma; va diri ni sanana nya singi ni vatugulu; lizana ni livbandre magumi (150). Vatshavbo vava va diri vatugulu va Bhejami.

Joba 1:2

A diri ni livbandre na sivili sanana nya sikhwathana, ni siraru nya sagadzyana.

Isaya 13:18

Malaho yawe va na songa khayo madzaha; gima kha va na pwa gisiro khu sanana si ngarigu ndrani; maho yawe kha ma na tsetsa sanana sa beleni.

Isaya 8:18

Nyi womo avba, gumogo ni sanana nyi ningidwego khu Pfhumu Nungungulu, gasi hi khala siyeyedzo ni siliwugiso tigoni ga Israyeli khu ga Pfhumu Nungungulu nya Tshivba Yatshavbo, a vbanyago gigomoni ga Siyoni.

Dhewuteronome 28:11

Pfhumu Nungungulu a na andrisa mihandro nya melego gwago, sifuyo sago si na velegelana, ni mahangeni gwago gu na fuma mihandro nya yingi, ga litigo eli Pfhumu Nungungulu a sambanyidego ga vababe vago gu gu ninga.

Dhewuteronome 28:4

Wu na kategiswa melego wago, ni mihandro ya thembweni gwago, ni mihandro nya sifuyo sago, a gu marole nya dzimombe dzago ni dzinvuta dzago.

Valamuli 12:9

Ibisani a diri ni magumararu sanana nya sikhwathana, ni magumararu sagadzyana; a di dzumedzisa sanana saye nya vanyamahegyane va dzegwa khu mambe mafumbo, ni sanana saye nya sikhwathana, si dzega vanyamahegyane nya mambe mafumbo. Ibisani khade mulamuli wa na Israyeli ndrani nya livbandre na mivili myaga.

1 Samuweli 1:27

Nyi di lombelela ga Pfhumu Nungungulu khu gyanana gegi; Uye a nyi ninga gilombo nyi nga mu lombago.