Dzindzimo 127:2 - Bhibhiliya Nya Guage

² Kha gu mi phasi gilo gu phindrula ni dzimindru dzikhongolo, mu thuma kala vbakari nya wutshigu, mu fela gu hodza mihandro nya lithonga lanu, Nungungulu a ngu hodzisa sigodwa saye ambari na si lade.

Dzindzimo 127:2 Iomraidhean Croise

Joba 11:18

U na tiya longo, kholu u na bani nuri ni gitumbo; u na khadzisega u lala ligovbe nya ladi.

Dzindzimo 3:5

Nyi ngu lala nyi mana ligovbe; nyi wuga, kholu Pfhumu Nungungulu a ngu nyi sayisa.

Dzindzimo 4:8

Nyi ngu lala ligovbe nyi hefemula khu gurula, kholu, uwe Pfhumu Nungungulu khuwe basi u nyi ningago guvbanya na nyi tiyide.

Dzindzimo 60:5

Hi vbanyise khu gyandza gyago u hi hakha, gasi sigodwa sago si vbuluga.

Mavingu 10:22

Gikategiso gya Pfhumu Nungungulu gya gu resa gufuma, gambe gu dzi garadza gwathu kha gu engedzeli gilo avbo.

Muhevbudzi 1:14

Nyi wonide gukheni satshavbo si girwago mafuni khu vathu, satshavbo gu dzi pfhadza, ni gu tutuma hwane nya phuvbo yi vbindrago.

Muhevbudzi 4:8

Womo muthu a vbanyago enga, nyambana waye, nyambana sanana ni vandruye. Ambari khu kharato kha garali khu gu thuma, maho yaye kha ma kodwi khu gu wona talo nya thomba a gu nayo. Ne kha wudzisi gukhuye: “Gasi nya gu thumela mani, ni gu, nya gu dzi hiyela ginani esi nya gutshambe?” Isoso niso kha si phasi gilo, gu dzi pfhadza mahala.

Muhevbudzi 5:12

Muthumegeli, gani a gu mana nya singi mwendro nya sidugwane, uye a gu lala ligovbe nya gutenge, aholu gukhura ga muthu nya gitetema kha gu mu ningi ligovbe.

Muhevbudzi 6:7

Thumo watshavbo nya muthu wa gu hodzwa khu likana laye, ambari khu isoso kha eneledwi.

Jeremiya 31:26

Khu guralo, nyi di khendzuga nyi wona, ligovbe langu li di nyi tsakiside ngudzu.

Ezekiyeli 34:25

Nyi na gira nadzo gidzumeledzwano nya pwanano, nyi na fuvisa sirengo nya likhabi tigoni; dzi na khala khu gurula giwulani, gambe dzi na lala khabini.