Dzindzimo 119:10 - Bhibhiliya Nya Guage

¹⁰ Eni nya gu gu vbweta khu monyo wangu watshavbo, U nga nyi digi nyi penga, nyi hambana ni sileletelo sago.

Dzindzimo 119:10 Iomraidhean Croise

2 Dzikoronika 15:15

Vatshavbo va na Judha va di nengela khu mahungu nya gisambanyo gegi, kholu va di sambanya khu monyo wawe watshavbo, ni gugola gwawe gwatshavbo, va di vbweta Pfhumu Nungungulu va mu mana. Pfhumu Nungungulu a di va ninga gurula malangani gwatshavbo.

Dzindzimo 119:118

U ngu nyenya vatshavbo avo va hambanago ni sileletelo sago, kholu maalakanyo yawe khya wukanganyisi.

Dzindzimo 119:133

Tiyisa migondro yangu ndzilani nya mahungu yago, u nga nyi digi nyi fumwa khu guvivba.

Dzindzimo 119:176

Nyi ngu legalega kha nga nvuta yi pengago; vbweta githumi gyago, kholu kha nyi divali sirumo sago.

Dzindzimo 119:2

Va kategide avo va girago guhaladza gwaye, avo va mu vbwetago khu monyo wawe watshavbo.

Dzindzimo 119:21

U ngu kawuka va nya matshandza, va dzi girelago libango khu gu ndraga milayo yago.

Dzindzimo 119:34

Nyi ninge mapimo, gasi nyi vegisa gwadi nayo wago, nyi na wu landrisa khu monyo wangu watshavbo.

Dzindzimo 119:58

Nyi ngu gu lomba khu monyo wangu watshavbo; nyi pwele wusiwana, kha nga gitumbiso gyago.

Dzindzimo 119:69

Va nya matshandza va gu nyi singedza malipha, aholu eni nyi ngu vegisa milayo yago khu monyo wangu watshavbo.

Dzindzimo 125:5

Aholu, vale va ndreyago va bela khu dzindzila nya guvivbe, Pfhumu Nungungulu a na va pata gumogo ni sighevenga. Gurula gu na manege ga va na Israyeli!

Dzindzimo 23:3

A ya wusedza umo tshivba yangu. Uye a ngu nyi gimbidzisa dzindzilani nya gululame khu kotani nya lina laye.

Dzindzimo 78:37

Kholu myonyo yawe yi di si namareli gwaye, ambari gutumbega ga gidzumeledzwano gyaye.

Mavingu 2:13

vale va hambanago ni ndzila nya gululame, va gimbila khu ndzila nya gidema;

Mavingu 21:16

Muthu a ndreyago ndzilani nya mapimo, a naya tshanganiswa gumogo ni vale va guromo phalani nya lufu.

Isaya 35:8

Gu na manega avbovbo ndzila nya yikhongolo nya likondro, yi na ranwago pwani Ndzila nya Guage; va nya gunyenyeza, kha va na vbindra khiyo. Yi emisedwe basi vathu va Nungungulu, khavo va na gimbilago khiyo, ambari nari sipumbu, kha va na dzimela.

Jeremiya 3:10

Ndriyaye Judha, nyamba tumbega, kha dzi kodza gu wuya gwangu khu monyo waye watshavbo, aholu a di nyi kanganyisa, a ngu ganela Pfhumu Nungungulu.

Ezekiyeli 34:6

Dzinvuta dzangu dzi phalalegide dzi legalega sigomoni ni musigomwanani. Dzi phalalegide ni litigo latshavbo, mwalo muthu a nga khathala khu gu dzi landrelela, aya dzi dzega a wuya nadzo.

Hoseya 10:2

Myonyo yawe khya wudambane; khu guralo, va na rwala nandru wawe; Pfhumu Nungungulu a na kokelela sihuru sawe nya miphaso, a pandrelela sithombe sakone.

Matewu 6:24

“Mwalo a dzi kodzago gu thumela dzipfhumu dzimbili. Kholu a na zondra mweyo a gola yimbe; mwendro saye gu girela ndruda mweyo a gu nyenya yimbe. Kha mu dzi kodzi gu thumela Nungungulu ni dzithomba.

Vakolosi 3:22

Sithumi, yingelani siloni gwatshavbo vale mu va thumelago mafuni momu, nasiri basi gikhati va mi ghadhago, nga khwatshi mwa gu dwanela basi gu va tsakisa, aholu khu gutshulega nya myonyo yanu ni gu thava Pfhumu.

1 Johane 2:15

Mu nga goli litigo, ambari esi si guromo tigoni. Muthu a gu gola litigo, lihaladzo la Babe li mwalo avbo gwaye.

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”