Dzindzimo 114:1 - Bhibhiliya Nya Guage

¹ Gikhati Israyeli a dugidego khu Egipito, gikhati nyumba ya Jakobe yi khugidego khu tigoni nya valombo,

Dzindzimo 114:1 Iomraidhean Croise

Genesi 42:23

Va di si dziti nya gukhavo Josefa a ngu si mana esi va ganelago, kholu a di romo muturokeli vbakari gwawe a nga bani na gutshamusela iso va nga bani va gu ganela.

Dzindzimo 81:5

Uye vegide kha nga nayo ga Josefe, gikhati a dugidego guya dwana ni litigo la Egipito. Nyi ngupwa lito nyi si litigo li gu, khilo:

Dzindzimo 81:6

“Eni nyi mi rude rwalo nya gulemele magatani gwanu, nyi giride esi gasi mu si lemedwi gambe mawogoni gwanu.

Ekisodha 12:51

Khilo kamwe litshigu lolo Pfhumu Nungungulu a dusidego sanana sa Israyeli tigoni ga Egipito, gukhedza khu mabutho yawe.

Ekisodha 13:3

Mosi a di embela vathu, khuye: “Dundrugani litshigu leli mu dugidego khilo khu Egipito, ndrangani nya wugumbi, kholu Pfhumu Nungungulu a mi duside khu gyandza nya tshivba; khu guralo, mu nga tshuki mu hodza gibaba nya guthedwe mela.

Ekisodha 20:2

“Eni kheni Pfhumu Nungungulu wago, nyi gu dusidego khu tigoni ga Egipito, nyumbani nya wugumbi.”

Isaya 11:16

Gu na manega ndzila nya yikhongolo ya vathu vaye va tshadego, vale va vbulugidego ga Asiriya, kha nga idzo gu giregidego khidzo ga va na Israyeli gudugani gwawe khu tigoni ga Egipito.

Dhewuteronome 16:1

Vegedza ngima nya Abhibhi u gira buzo nya Phasika ya Pfhumu Nungungulu wago; kholu khu ngima nya Abhibhi khuye ngima Pfhumu Nungungulu wago, a gu dusidego ni wutshigu, khu tigoni ga Egipito.

Dhewuteronome 26:8

Pfhumu Nungungulu a di hi dusa khu tigoni ga Egipito khu mandza yaye nya tshivba, ni libogo nya gukhugege, khu sisamadziso nya sikhongolo, siyeyedzo ni siliwugiso.