Dzindzimo 112:9 - Bhibhiliya Nya Guage

⁹ A ngu kabana silo saye ni sisiwana; gululama gwaye gu ngu simama kala gupindruga, tshivba yaye yi na khusedzwa khu wudhumo.

Dzindzimo 112:9 Iomraidhean Croise

Dzindzimo 111:3

Thumo waye khwa wuzundzo ni wugulu, gululama gwaye gu ngu simama kala gupindruga.

Dzindzimo 112:3

Nyumbani gwaye gu na tala khu dzithomba ni gufuma gululama gwaye gu ngu simama kala gupindruga.

Dzindzimo 75:10

Nyi na vbedza tshivba ya va nya guvivba; aholu tshivba ya va nya gululama yi na khusedzwa.

Dzindzimo 92:10

Aholu eni u nyi ningide tshivba gukhwatshi kheyi nya nyari, u nyi todzide hungoni khu mafura yago nya gunungele.

Dzindzimo 92:11

Nyi na wona khu maho yangu gu thega ga valala vangu, ni dzindzeve dzangu dzi napwa va nya guvivba, vale va nyi wugelago.

Mavingu 14:24

Gihugu gya va nya guti, khu thomba yawe; aholu wupumbu nya sipumbu, dzitshoni basi.

Mavingu 19:17

Uye a phasago gisiwana a gu fiyarisa Pfhumu Nungungulu, Uye a na mu bweledzela wuwadi waye.

Mavingu 21:26

Muthu nya wudogodogo a gu khala khu gunavela litshigu latshavbo, aholu muthu nya gululame, a gu thawuludza mandza a ningela nyamba hegisa.

Muhevbudzi 11:6

Yala mbewu yago gu ngari dzimindru, aholu vbasilambotunu u nga khali khu mawogo, kholu khu yiti iyo yi na bugago yi ninga mihandro; kheyi mwendro khu yile, mwendro dzatshavbo dzi na ni lisima.

Muhevbudzi 3:6

gikhati nya gu si mane, ni gikhati nya guhamuge; gikhati nya guvege, ni gikhati nya gudzudzuge;

Isaya 32:8

Aholu muthu nya guthavisege, a gu gira makungo nya guthavisege, khu kotani nya mithumo yaye nya guthavisege, a manega na tiyide.

Isaya 58:10

wa gu kabana silo sago ni oyu apwago ndzala, ni gu khurisa uye a vbisegago, khavbo mwenge wago wu na dzurago mugidemani, gu khala safa nga vbakari nya mihani.

Isaya 58:7

Ni gu kabana guhodza gwago ni oyu a gu mwalo gilo nya guhodze, ni gu hakha sisiwana si gu mwalo gaya, ni gu ambagisa uye a gu mwalo guambala, u nga gikheli marundra ndriyago.

Matewu 6:4

gasi zomola yago yi si tidwi khu muthu. Kharati, Babe wago, a gu uye a wonago iso si sihadego, a na gu ninga tshatshazelo.

Marko 14:7

Kholu sisiwana mu naso gikhati gyatshavbo. Mu na si phasa mwa gu dzina. Gasi eni, kha nyi na khala nanu kala gupindruga.

Luka 11:41

Phelani khu gu ningela sisiwana iso mu gu naso, khavbo satshavbo si na mi dugela gwadi.

Luka 12:33

Rengisani dzithomba dzanu, mu kabanisela sisiwana. Sonani sikhwama nyamba hagala, mu wungedzela Ndzadzini thomba nyamba vbela, iyo yi si dzi kodzigo gu phangwa khu dzimbafa ni gu hodzwa khu muhwa,

Luka 16:9

Eni neni nyi ngu mi embelani, kheni: Thangani wupari khu dzithomba dza tigoni momu, gasi na dzi vbede, mu ya hakhwe khu dzipari dzodzo Ndzadzini.

Luka 18:22

Na pwide esi, Jesu a di mu embela, khuye: “Gimwegyo basi gi nga tshadego. Rengisa satshavbo u gu naso, u kabanisela dzitsapawu dzakone sisiwana, gasi u mane thomba ya Ndzadzini. Nu giride isoso, delu uta nyi landrela.”

Johane 13:29

kholu, kha nga olu Judha a nga bani ari muphari nya gikhwama nya dzitsapawu, vambe va di pimisa nya gukhavo Jesu a di mu ruma guya renga iso si nga bani si vbwetega vbabuzotunu, ni gukhavo mwendro a di mu ruma guya ninga zomola sisiwana.

Mithumo 20:35

Nyi mi yeyedzide khu magirelo yatshavbo gukheni, mwa gu thuma khu mawogo yanu khavbo mu na kodzago gu phasedzela vale va keneledwago. Dundrugani magana ya Pfhumu Jesu a gukhuye: ‘Kategide ngudzu oyu a ningago guvbindra oyu a hakhago.’ ”

Mithumo 4:35

va ta dzi vega migondroni ya Vapostoli, va gu kabanisela muthu ni muthu maningano ni sigaradzo saye.

Varoma 12:13

Kabanani esi mu gu naso ni vandruye vale va gu mwalo gilo; hakhani gwadi vaendri.

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

Dhewuteronome 15:11

Khu guralo, gima kha gu na hamugega sisiwana tigoni gwago; khu kotani nya isoso, nyi ngu gu leletela, kheni: Thawuludza mandza yago nu tshulegide u ninga ndriyago, ni muhamugi, ni gisiwana gi guromo tigoni gwago.

Dhewuteronome 15:14

Mu ninge sifuyo sago na wu tshulegide, dzimbewu dza githalani gwago gumogo ni wadwa wa gikhwatini gwago; u na mu bagedza dzithomba nya esi Pfhumu Nungungulu wago, a gu kategisidego khidzo.

Dhewuteronome 24:13

gupfolani nya lidambo u fanede gu mu bweledzela, gasi gulala a wu fenengela, gambe u mu lombelela makategwa, khu kotani nya isoso, u na bani u giride gululama mbeli ga Pfhumu Nungungulu wago.

1 Thimoti 6:18

Va na thume silo nya sadi, va khale sitetema khu magirelo nya yadi, va yeyedza lihaladzo ni gu ninga sisiwana.

Vahebheru 13:16

Mu nga digi gu gira ndruda ni gu phasanani khu gyanu kholu khiyo mhamba yi tsakisago Nungungulu.

Vahebheru 6:10

Nungungulu khwadi, kha divaledwi khu thumo mu wu giridego enu, ni lihaladzo mu li yeyedzidego, ni giphaso mu giridego ni olu mu nga gu girago ga vandriyanu nya vakristo.

Gutuledwa 22:11

Muthu nyambana ndruda a na simame ni mithumo yaye nya guwegele, muthu nya gunyenyeze a na simame ni gu dzi nyenyezisa gwaye, muthu nya gululame a na simame ni mithumo nya gululame gwaye. Ni uye a agidego a na simame gu dzi agisa.

1 Samuweli 2:1

Ana a di lombelela a ganela, khuye: “Monyo wangu wu ngu nengela ga Pfhumu Nungungulu, ni hefemulo wangu, wu ngu rungudza Pfhumu Nungungulu; likana langu, li ngu hega valala vangu, kholu nyi ngu tsakela guvbanyisa gwago.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.