Dzindzimo 112:10 - Bhibhiliya Nya Guage

¹⁰ Muthu nya guvivbe a gu wona esi a napwa wuvi; a tala khu lidiwo ni guvbisega, a khukhurusa magwaha; aholu mapimo yaye ma na hegisa khu gu fuva.

Dzindzimo 112:10 Iomraidhean Croise

Nehemiya 2:10

Avbo Sambalati, nya Muhoroni, ni Tobhiya githumi, nya Muamoni, na va pwide esi, va di vbisega ngudzu, khu gupwani womo muthu nya gukari a dzudego guta girela silo nya gukari va na Israyeli.

Joba 20:7

uye a na hina gu fanana ni ndzilo yaye kala gupindruga, ni vale va mu wonego va na khavo: “Gasi olu womo hayi!”

Joba 8:13

Khidzo kharati dzindzila dza vatshavbo vale va si khathaligo khu Nungungulu; gya gufa kharati gitumbo gya va nya guvivbedwa khu monyo.

Dzindzimo 37:12

Muthu nya guvivbe a gu wugela oyu nya gululame, a mu khukhurusela magwaha khu likhulo,

Dzindzimo 86:17

Nyi ninge giyeyedzo nya wuwadi wago, gasi va gi wone avo va nyi vengago va khale dzitshoni, kholu uwe Pfhumu Nungungulu u ngu nyi phasa ni gu nyi tangadzisa.

Mavingu 10:28

Gitumbo gya vathu va lulamidego gya gu hegisa khu litsako, aholu gya va nya guvivbedwa khu monyo, khu gumbemba.

Mavingu 11:7

A gufa muthu nya guvivbedwe khu monyo, gya gu vbela gitumbo gyaye; ni satshavbo a nga bani na gu si lirela, sa gu luza.

Matewu 22:13

Khavbo avbo, mufumeli a di embela sithumi saye, khuye: ‘Mu hungeni mawogo ni mawundru, mu mu dzudzuga vbavbandze, mugidemani. Avbovbo a na ya lila ni gu ketsa magwaha.’

Matewu 8:12

gasi va mune thomba va na rinywa vbavbandze, mugidemani, avbo va na guya lilago ni gu ketsa magwaha.”

Luka 13:28

Gikhati mu na wonago Abrahama, Isaki, Jakobe ni vaprofeti vatshavbo Mufumoni wa Ndzadzini, enu mu gu tshidwe vbavbandze, avbovbo gu na manega gulila ni guketsa nya magwaha.