Dzindzimo 11:6 - Bhibhiliya Nya Guage

⁶ A na wungedzela magala nya nilo ni guvbisa hungoni ga va nya guvivba, a va tsayisa khu dziphuvbo nya guvbise ngudzu, gi na bani giri gikombe va yedwago khigyo.

Dzindzimo 11:6 Iomraidhean Croise

Genesi 19:24

Khavbo avbo, Pfhumu Nungungulu a di wisa madhoropani ga Sodhoma ni Ghomora, ndzadzi nya sulufa ni nilo nya gute khu ga Nungungulu.

Genesi 43:34

Josefe a di ruma gukhuye va theledzedwe guhodza gu nga bani guromo mbeli gwaye; aholu Bhejami a di thedwa livbandre dzinyondro guvbindra vakwawe. Va di sela gumogo va nengela naye.

Joba 18:10

Ngodzi yi dembidwe vbavbatshi nya mafu, gasi naphwi womo, wu dembidwe ndzilani gwawe.

Joba 18:15

Tshatshani gwawe va na khala vathu va gu siri va na gyawe, ni nilo nya solufa, wu na phalalega ni ndranga yawe.

Joba 20:23

Avbo a na dzipwago na khuride, Nungungulu a na mu resela mhango nya likhulo laye, li vbalaga vbatshani gwaye li khala guhodza gwaye.

Dzindzimo 105:32

Wulangani nya ndzadzi, a di va rumela maralala, ni malavbelavbe nya nilo tigoni gwawe.

Dzindzimo 16:5

Pfhumu Nungungulu, uwe u thomba ni gikombe gyangu, khuwe u pharidego guvbanya gwangu.

Dzindzimo 18:13

Pfhumu Nungungulu a di pandra mabara ndzadzini, oyu a guromo vbatshani ngudzu a di pwadza lito laye.

Dzindzimo 32:10

Va nya guvivbedwe khu myonyo va ngu wona sisaniso nya singi, aholu lihaladzo la gu furumedza avo va tumbago Pfhumu Nungungulu.

Dzindzimo 75:8

Mandzani ga Pfhumu Nungungulu gyomo gikombe gi tadego khu wadwa wu pupumago likhulo laye, a na ningago va sela vatshavbo va nya guvivba va tigoni va sela kala ni giminya gyakone.

Isaya 51:17

Khendzuga! Khendzuga! Khuga u ema uwe Jerusalema! Uwe u sedego khu mandzani ga Pfhumu Nungungulu gikombe nya likhulo laye. U sede gikombe gi levisago kala u vbedza ni giminya gyakone, u leva.

Isaya 51:22

Mune, Pfhumu Nungungulu wago, oyu a dwanelago litigo laye, a ngu ganela kharati, khuye: “Wona nya gukhuwe nyi duside khu mandzani gwago gikombe nya likhulo langu li gu levisago, gima khu na gi sela gambe.

Jeremiya 13:25

Khigyo egi giavelo gyago, gipandre u na pimedwago kheni, a ngu ganela Pfhumu Nungungulu; kholu u di divaledwa kheni, u tumba vanungungulu nya malipha.

Ezekiyeli 13:13

Khu kotani nya isoso, Mune Pfhumu Nungungulu, a ngu ganela kharati, khuye: “Khu likhulo langu nyi na rumela gingulu, ni guwa ndzadzi nya yikhongolo, ni gu thega maralala, gasi guta khungumula libhiyo lolo.”

Ezekiyeli 38:22

Nyi na dwana naye khu tungu ni gu vbalaga nya novba; nyi wisa ndzadzi nya yingi nya ndrambi, ni siwindri nya sikhongolo nya maralala, ni lidhingiso nya nilo, si na thega vbatshani gwaye ni ga masotshwa yaye, ni ga mayigo nya mangi a na gu bani nari navo.

Habhakuka 2:16

Wulangani nya guzundzege, u na thega dzitshoni! Ina nga sela nuwe u kodze gudhedhereka. Gikombe gi guromo mandzani ga nyamudye ga Pfhumu Nungungulu a ngu gu gurumedza gu gi sela, gasi lisima lago li manega nari dzitshoni.

Luka 17:29

Aholu litshigu Loti a nga khugago khu Sodhoma, gu di thega nilo khu Ndzadzini, wu ngata mbembisago vatshavbo.

Johane 18:11

Aholu, Jesu a di embela Pedro, khuye: “Vega litshari wulangani gwaye. Wa guvbweta khuwe nyi si seli gikombe nya gutshaniseke nyi nga ningwago khu Babe wangu, gani?”

1 Samuweli 1:4

Elikana gikhati gyatshavbo a nga bani a gu ningela phaso, a di gu ninga gipandre gi yelago mwangadzi waye Penina, gimbe gipandre a ninga sanana saye satshavbo nya sikhwathana ni sagadzyana.

1 Samuweli 9:23

Khavbo avbo, Samuweli a di embela muphuli, khuye: “Resa gipandre gile nya nyama nyi nga gu ningago nyi gu embela, kheni: Gi vege phuvbo.”