Dzindzimo 109:13 - Bhibhiliya Nya Guage

¹³ Livelego laye latshavbo li na vbele hilo bhi, ni lina laye li na futwe ga situgulwana si nga gutago.

Dzindzimo 109:13 Iomraidhean Croise

1 Dzipfhumu 16:11

Me ni gu khala vbagikhalotunu nya wufumu, a khala mufumeli, a di rumela guya sasela ndranga yatshavbo ya Bhahasa, nyamba tshiya ni muthu moyo nya girambo nya mwama, ga valongo vaye ni ga dzipari dzaye.

Esiteri 9:10

Avo nya likhumi nya sanana sa Hamani, mwamana wa Hamedhati, nala wa va na Judha, va di songetedwa; aholu kha va nga phanga thomba yawe.

Joba 18:17

Kha va na alakanywa gambe mafuni, ni malina yawe kha ma na pwala gambe tigoni.

Joba 18:19

Gima kha va na mana gyanana ambari tugulu, tigoni gwawe, ambari gutshala moyo nya guvbanye dzindrangani gwawe.

Dzindzimo 21:10

A na fuvisa livelego lawe mafuni, a fuvisa situgulwana sawe vbakari nya vathu.

Dzindzimo 21:11

Ambari va nga gu girela matshoho, va luga makungo, kha va na gira gilo;

Dzindzimo 37:28

kholu Pfhumu Nungungulu a gu gola gululama, gima kha digi avo va khodwago gwaye; a na va vhikela gikhati gyatshavbo, aholu livelego nya vathu nya guvivbe li na mbembiswa.

Mavingu 10:7

Mapimo ma tshidwego khu muthu nya gululame, ma gu resa gikategiso, aholu lina la muthu nya guvivbedwe khu monyo, la gu vbiredza gufuva,

Jeremiya 22:30

Pfhumu Nungungulu a ngu ganela kharati, khuye: “Muthu yoyu mu loveni nga moyo a gu mwalo sanana, guvbanyani gwaye gima kha na mana gukatega.” Kholu kha na dugelela ni moyo nya gyanana gyaye, a na gu khalago vbagikhalotunu nya wufumu wa Dhavhidhe, gumogo gambe ni gu fumela tigoni ga Judha.

Mitengo 27:4

Khu ginani lina la babe wathu li na futwago umo nya linyangwa laye khu kotani nyamba tshiya sanana nya vama? Hi ningeni nethu gipandre nya thomba ya babe wathu vbakari ga va ndriyaye.”

Dhewuteronome 25:19

Khu guralo, avbo Pfhumu Nungungulu wago a na gu hefemudzago ga valala vago va gu randredego, ga litigo eli Pfhumu Nungungulu wago a na gu ningago gasi gu khala thomba yago, u fanede gu fuvisa lina la Amaleki vbavbatshi nya lidambo; u nga divali esi nyi gu embelago.

Dhewuteronome 29:20

Pfhumu Nungungulu kha na nga dzumela gu mu tsetselela; gambe li na engedzelana gu khondra likhulo la Pfhumu Nungungulu ga muthu yoyu, sitsayiso satshavbo si lovidwego libhukuni momu, si na thegela vbatshani gwaye. Pfhumu Nungungulu a na futa lina laye mafuni.

Dhewuteronome 9:14

“Nyi dige nyi va mbembisa, nyi futa lina lawe mafuni; nyi na wusa khavbo gwago litigo nya tshivba ni vathu nya gutale ngudzu guvbindra ava.”

1 Samuweli 3:13

Kholu nyi mu tiviside gukheni nyi na lamula ngamo yaye kala gupindruga, khu kotani nya guvivbe gwaye, kholu a di gu dziti nya gukhuye, sanana saye si di gu gira manyala, aholu a si si kawuki.