Dzindzimo 102:2 - Bhibhiliya Nya Guage

² U nga nyi siheli khovbe yago nya gu bani nyi romo sigaradzoni; neredza ndzeve yago u nyi yingisa; vbiredza gu nyi hakha gikhati nyi gu ranago.

Dzindzimo 102:2 Iomraidhean Croise

Joba 34:29

Aholu, Uye a gu degula, khu mani a na mu rwegago nandru? A gu siha khovbe yaye, khu mani a na mu wonago? Khu guralo, Uye a ngu fuma vathu gumogo ni mayigo.

Joba 7:21

Khu ginani u si nyi pweligo sihoso sangu ni gu futa sighoho sangu, na? Kholu nyi na dzegela gulala ngumani, u nyi vbweta u si nyi mani gambe.”

Dzindzimo 104:29

Wa gu si sihela khovbe yago, iso sa gu vbela tshivba; wa gu si dzegela hefemulo, iso sa gufa, si bwelela si khala gambe kudzudzwane.

Dzindzimo 13:1

Pfhumu Nungungulu, kala lini nu nyi divala sago? U na nyi divala muphelo, u nyi sihela khovbe yago, gani?

Dzindzimo 143:7

Olu Pfhumu Nungungulu, vbiredza u nyi hakha; nyi ngu vbela tshivba; u nga nyi siheli khovbe yago, gasi nyi si fanani ni avo va fudego.

Dzindzimo 17:1

Yingisa Pfhumu Nungungulu, gululama nya mahungu yangu, hakha gulila gwangu; yingisa nombelo wangu, kha wu dugi khu kanani nya malipha.

Dzindzimo 22:19

Khu guralo, Pfhumu Nungungulu, u nga hambani ni eni; uwe khuwe tshivba yangu, vbiredza u ta nyi phasa.

Dzindzimo 27:9

U nga nyi siheli khovbe yago, u nga dzudzugi githumi gyago khu likhulo; uwe khuwe basi muphasedzeli wangu, u nga nyi digi, gambe u nga nyi hotshi, Nungungulu muvbanyisi wangu.

Dzindzimo 31:2

Neredza dzindzeve dzago eno gwangu, u nyi vbanyisa khu guvbiredza; khala giwindri nya wuthavelo wangu, likhokhola nya gu nyi vbanyise.

Dzindzimo 40:13

Nyi vbulugise Pfhumu Nungungulu; vbiredza Pfhumu Nungungulu u ta nyi phasa!

Dzindzimo 69:17

U nga siheli khovbe yago eni githumi gyago, kholu nyi vbede tshivba; nyi hakhe khu guvbiredza.

Dzindzimo 70:1

Pfhumu Nungungulu, delu khu givbiredza u ta nyi vbanyisa; vbiredza, Pfhumu Nungungulu, u ta nyi tshudzisa.

Dzindzimo 71:2

Nyi phase u nyi tshula kholu uwe u wadi! Nyi yingise u nyi vbanyisa.

Ekisodha 2:23

Hwane nya myaga nya gutale, a difa mufumeli wa Egipito, vathu va na Israyeli, va di tshaniseka wugumbini. Va di lila, dzihuwa nya gutshaniseke gwawe, dzi di gwela kala ga Nungungulu.

Ekisodha 2:24

Nungungulu a dipwa gulila gwawe, a dundruga gidzumeledzwano a giridego ni Abrahama, Isaki ni Jakobe.

Isaya 43:2

Ambari wa guvbindra khu matini, eni nyi na bani nyiri nago, wa gu tsemakanya mitsongo, gima khu na dzama. Wa guvbindra khu vbakari nya nilo, gima khu na nga vbya, ambari gu vbiswa khu malavbelavbe.

Isaya 65:24

Gikhati va lombelelago, nyi na va ninga phindrulo na va si gu vbedzi; na va nga guganela, eni nyi na va yingisa.

Isaya 8:17

Nyi na tumba Pfhumu Nungungulu, wule a sihelago khovbe yaye sanana sa Jakobe, nyi na vega gitumbo gyangu avbo gwaye.

1 Vakorinto 10:13

Sigaradzo mu si wonago khiso si pimedwego gu padwa khu muthu. Kholu Nungungulu tumbegide, kha na nga dzumedzisa gukhuye mu mane silingo nya guvbindre tshivba yanu. A gu mi rumela gilingo, a na mi tulela gambe dzindzila nya gu gi pale.