Dzindzimo 102:17 - Bhibhiliya Nya Guage

¹⁷ A na yingisa nombelo nya khulungu kha na nga nyenya nombelo waye.

Dzindzimo 102:17 Iomraidhean Croise

Nehemiya 1:11

Olu Pfhumu! Nyi ngu gu lomba, u demba ndzeve, u yingisa nombelo wa eni githumi gyago, gumogo ni milombelo yatshavbo ya sithumi sago si golago gu rungudza Lina lago; nyi ngu gu lomba gukheni u kategisa eni githumi gyago, nyi kodze gu mana wuhigo muhuno mbeli ga mwama yoyu. “Kholu khu gikhati gyogyo eni nyi diri mu emeledzi nya meza ya mufumeli.”

Nehemiya 1:6

Demba ndzeve yago, u tula maho yago, u yingisa nombelo wa eni githumi gyago nyi lombago avbo gwago wutshigu ni mihani nyi lombelela sithumi sago va na Israyeli; ni gu dzi laya khu sighoho sa va na Israyeli, hi gu ghohedego; eni neni ni ndranga ya vababe vangu, hi gu ghohede.

Nehemiya 2:20

Khu guralo nyi di va hakha nyi va embela, kheni: “Nungungulu wa ndzadzini khuye a na gu hi phasedzelago thumoni gwathu; ethu sithumi sago hi na vbaha; gasi enu kha mu lumbwi khu gilo ambari malungelo mwendro gialakanyiso dhoropani ga Jerusalema.”

Dzindzimo 147:2

Pfhumu Nungungulu a ngu wusa Jerusalema, a gu tshanganisa avo va phalalegidego va Israyeli.

Dzindzimo 22:24

Kholu kha nyenya gilo ambari gu venga gu vbisega nya gisiwana, ambari gu mu sihela khovbe yaye, aholu a mu ningide avbo a nga lombago giphaso.

Dzindzimo 69:23

Ma na pfhupele maho yawe, gasi ma si woni; mihwambo yawe yi na ndrendremele gikhati gyatshavbo.

Dzindzimo 72:12

Kholu uye a ngu bavbula marongo ya gisiwana gi lilago ni khulungu yi gu mwalo waye.

Dzindzimo 9:18

Kholu gisiwana kha gi na divadwa muphelo, gutumba nya vathu nya gusolege kha gu na khala liphanga.

Isaya 40:5

Vathu vatshavbo va na wona wudhumo wa Pfhumu Nungungulu, va na si pima gukhavo khu Pfhumu Nungungulu a ganedego isoso khu wurumba waye.”

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Jeremiya 31:38

Pfhumu Nungungulu a ngu ganela, khuye: Wonani, ma nguta matshigu, lidhoropa leli li na vbahedzwago nyaluphye, li vbahedwa Pfhumu Nungungulu, gukhugela Likhokhola la Hananeli kala Nyangwa nya Gutshangane.

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

Dhewuteronome 4:29

Khu iyoyo, u naya vbweta Pfhumu Nungungulu wago, gambe u na mu mana, wa gu mu vbweta khu monyo wago watshavbo, ni hefemulo wago watshavbo.