Dzindzimo 102:13 - Bhibhiliya Nya Guage

¹³ U na khuga u ema u girela wuhindzi Siyoni, gikhati nya gu u mupwela gisiro, khigyo egi gikhati gi emisedwego.

Dzindzimo 102:13 Iomraidhean Croise

Dzindzimo 135:13

Lina lago Pfhumu Nungungulu, li na simama kala gupindruga; Pfhumu Nungungulu u na alakanywa khu situgulwana ni situgulwana.

Dzindzimo 44:26

Khuga u ema; gasi u hi phase! Hi dzegise khu lihaladzo nya wuwadi wago.

Dzindzimo 51:18

Kategisa gwadi Siyoni khu wuhindzi wago; vbahedza nyaluphye mabhiyo ya Jerusalema.

Dzindzimo 7:6

Pfhumu Nungungulu, khuga u ema nu gorogide! Wuga nu tade khu likhulo, u dwana ni valala vangu; delu u ta nyi emela, gukhedza khu gulamula u gu vegisedego.

Dzindzimo 75:2

Nungungulu a di khuye: Khu gikhati nyi gi vegidego nyi na lamula vathu khu gululama.

Dzindzimo 90:2

Khu gale, sigomo na si ngari mwalo, na wu si gu vangi litigo ni mafu, uwe u Nungungulu kala gupindruga!

Dzindzimo 92:9

Hi ngu dziti gukhethu valala vago Pfhumu Nungungulu va na mbembiswa, vatshavbo va girago guvivba va na phalalegiswa.

Ekisodha 3:15

Nungungulu a di ganela gambe ga Mosi, khuye: U na ganela kharati ga sanana sa Israyeli khuwe Pfhumu Nungungulu wa vababe vanu, Nungungulu wa Abrahama, Nungungulu wa Isaki ni Nungungulu wa Jakobe, a nyi rumede gwanu; Eli khu Lina langu kala gupindruga, nyi na alakanywa kharati khu mimela ni mimelana.

Isaya 14:32

Va na ningwa phindrulo muni avo va rumedwago khu va nya mayigo vovo? Pfhumu Nungungulu khuye a vbahidego lidhoropa la Siyoni, gasi va mana wuthavelo vale va tshanisekago vbakari ga vathu vaye.

Isaya 40:2

Ganelani khu gutsaka ga Jerusalema, mu mu tiyisa hwambo, khenu gusaniseka nya wugumbi waye guvbede, sighoho saye si futidwe, kholu eni Pfhumu Nungungulu, nyi va vetide gukhedza khu sighoho va giridego.

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Jeremiya 31:23

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “La gu vboha litshigu nyi na kategisago litigo la Judha gumogo ni madhoropa yaye, avo va na ganela gambe magana yaya, khavo: Pfhumu Nungungulu a na gu kategise, uwe ndranga nya gululame, uwe gigomo nya gukatege!”

Dhaniyeli 12:9

Uye a di nyi embela, khuye: “Dhaniyeli, indra, kholu mahungu yaya ma segedwe ni gulemwa kala gikhati nya mahegiso.”

Mithumo 1:7

Uye a di va hakha, khuye: “Kha si lumbi enu guti gikhati ni dzinango Babe a dzi vegisidego khu gudzina gwaye.

Vagalatiya 4:4

Aholu, gutadzisegani nya matshigu, Nungungulu a di hi rumela Mwamana Waye a nga velegwa khu nyamayi, a velegedwa vbavbatshi nya Nayo nya Vajudha;

2 Pedro 3:12

Dzi woneleni ni gu lirela guta nya Litshigu la Nungungulu, avbo ndzadzini gu na khungumudwago khu nilo, satshavbo si guromo ndzadzini si na nyungulugiswa.

2 Pedro 3:8

Aholu sigodwa sangu, mu nga divalini esi: Kholu ga Pfhumu, litshigu limwedo la gu khala nga likhumi mazana myaga; likhumi mazana myaga ya gu khala nga litshigu limwedo.