Dzindzimo 102:12 - Bhibhiliya Nya Guage

¹² Aholu, uwe Pfhumu Nungungulu, u ngu fuma kala gupindruga, lina lago li na alakanywa khu mimela ni mimelana.

Dzindzimo 102:12 Iomraidhean Croise

Joba 14:2

A gu rumbuga gu fanana ni genge, bwelo khavbo a wu na, a mwalalega gu fanana ni mwedzi, a si wonegi gambe;

Joba 8:9

kholu ethu hi velegidwego matshigu yaya, kha hi pimi gilo. Kholu guvbanya gwathu gwa mafuni momu, gwa gu fanana ni mutsa wu vbindrago.

Dzindzimo 109:23

Nya guya na nyi gu vbela gukhwatshi mwedzi gupfolani nya lidambo; phuvbo ya gu nyi pengisa gukhwatshi nyi khaba.

Dzindzimo 135:13

Lina lago Pfhumu Nungungulu, li na simama kala gupindruga; Pfhumu Nungungulu u na alakanywa khu situgulwana ni situgulwana.

Dzindzimo 9:7

Aholu, Pfhumu Nungungulu, a ngu fuma kala gupindruga, khade vbagikhalotunu gwaye nya gulamule mahungu.

Dzindzimo 90:6

vbadzimindrutunu wu nyuga wu rumbuga, vbasilambotunu wu wu na wu banga.

Ekisodha 3:15

Nungungulu a di ganela gambe ga Mosi, khuye: U na ganela kharati ga sanana sa Israyeli khuwe Pfhumu Nungungulu wa vababe vanu, Nungungulu wa Abrahama, Nungungulu wa Isaki ni Nungungulu wa Jakobe, a nyi rumede gwanu; Eli khu Lina langu kala gupindruga, nyi na alakanywa kharati khu mimela ni mimelana.

Isaya 44:6

Pfhumu Nungungulu, Mufumeli wa va na Israyeli, ni Mudzegisi wawe, Nungungulu nya Tshivba Yatshavbo, a ngu ganela kharati, khuye: “Eni kheni nya guphele ni guhegisa, vbavbandze ga Eni, mwalo mumbe Nungungulu.

Isaya 60:15

Ambari u nga bani u digidwe ni gu nyenywa, avbo nya gu, ni moyo a si vbindri khavbo gwago, aholu eni nyi na gu vbindrugedza u khala wuzundzo ni gunengela ga mimelana yatshavbo yi nga gutago.

Gililo 5:19

Aholu, Uwe Pfhumu Nungungulu, u ngu vbanya kala gupindruga, ni wufumu wago, wu na gimbila khu mimela ni mimelana.

Dhewuteronome 33:27

Nungungulu nya pindrugedwa, a na khale wuthavelo wago, khu vbavbatshi gwago, a na thawuludze mandza yaye nya gupindruge; Uye tutumiside valala mbeli gwago a gu embela, khuye: Va sasele.

Vahebheru 13:8

Jesu Kristo khuye wa moyo, wa vbanova, wa muhuno, ni wa gikhati gyatshavbo.