Dzindzimo 10:3 - Bhibhiliya Nya Guage

³ Kholu muthu nya guvivbedwe khu monyo, a gu bhuma khu manavelo yaye nya guvivbe, muthu nya makolo a gu nyenya, a vala Pfhumu Nungungulu.

Dzindzimo 10:3 Iomraidhean Croise

1 Dzipfhumu 20:25

Khu hwane dongisela libutho nya likhongolo ngudzu nya gufanane ni lile u li luzidego, ni tengo nya gufanane nya dzikavalu gumogo ni dzikareta. Ethu hi naya dwana ni va na Israyeli panini. Khu lisine hi naya va pala. Mufumeli a di va yingisa, a dzumela mawonelo yawe.

Joba 31:24

Nya gu bani nyi vegide gitumbo gyangu ga ndralama yangu, mwendro gu ganela ga ndralama yangu nya guhutwe, kheni: Uwe khuwe giseketelo gyangu;

Dzindzimo 35:21

Va gu tula magana yawe va nyi singedza, khavo: “Ethu hi mu wone khu maho yathu.”

Dzindzimo 49:18

Na gu vbanya a di dzi tsakisa abune, khuye: “Va ngu gu zundza kholu silo sago satshavbo si ngu gimbila gwadi,”

Dzindzimo 49:6

Avo va tumbago dzithomba dzawe va gu dzi zundza khu talo nya wufumu wawe.

Dzindzimo 5:6

U ngu fuvisa va nya malipha, Pfhumu Nungungulu a ngu nyenya gighevenga ni muthu nya wuvafa.

Dzindzimo 52:1

Khu ginani u dzi zundza khu mithumo yago nya guvivbe, uwe u gu ni tshivba? Kholu wuwadi wa Nungungulu wu ngu simama kala gupindruga.

Dzindzimo 94:4

Vatshavbo va girago guvivba va gu dzi khusedza, va dzi gira matshandza khu wughevenga wawe.

Ekisodha 15:9

Nala a di khuye: Nyi na va tutumisa, nyi na va mola nyi va phanga; hefemulo wangu wu na khura khu avo, nyi na homola litshari langu nyi va mbembisa; nyi na va songa khu mandza yangu.

Mavingu 28:4

Avo va hambanago ni Nayo, va gu zundza sighohi, aholu avo va sayisago Nayo, va gu dwana naso.

Muhevbudzi 7:15

Ga matshigu nyamba nyawula nya guvbanye gwangu, nyi di wona esi: Muthu nya gululame a di vbiredzela gufa ni gululama gwaye, aholu muthu nya guvivbedwe khu monyo, a di vbanya matshigu nya gutale ni monyo waye nya guvivbe.

Isaya 37:23

Gasi khu mani u mu poyidego ni gu mu vala? Khu mani u mu khusedzedego lito ni maho yago nya gu dzi dandrise? U di girela Nyaguage wa Israyeli!

Isaya 57:17

Khu kotani nya makolo yaye nya guvivbe ya Israyele, gu nyi giride nyi khuveka nyi tsayisa vathu; ni gu mi sihela khovbe yangu, aholu khu guyeyisa gwaye, a di landra ndzila yi godwago khu monyo waye.

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Levhi 26:30

Nyi na khungumulela malanga yanu nya sigomo, nyi pandrelela siluvelo sanu, nyi wungeledzela sirumbi sanu vbatshani nya sirumbi sa vanungungulu vanu nya sifananiso; hefemulo wangu, wu na goroga khu enu.

Habhakuka 2:9

Libango ga wule a wungedzelago nyumbani gwaye dzithomba nya gube, gasi gu vega gihaga gyaye vbatshani, gasi a kodza gu dzi vbanyisa ga gyandza nya guvivbe!

Luka 12:15

A di simama gu ganela, khuye: “Mu ngu pwani, dzi woneleni ni wudogodogo watshavbo, kholu guvbanya nya muthu kha gu valedwi khu thomba yaye, ambari na yi tade nya guwani.”

Luka 12:19

Khavbo avbo, nyi na embela hefemulo wangu, kheni: Hefemulo wangu, u nga saniseki; hodza, sela, tangala, kholu u fumide thomba u na hodzago myaga nya mingi.’

Varoma 1:29

Khu kharato, va fumedwe khu guwegela gwatshavbo, ni gunyenyeza gwatshavbo, ni wugundreli, ni guvivba, ni lidiwo, ni wufu, ni wughevenga, ni vhilinganya, ni malipha, ni wulala ni milembo.

Varoma 1:32

Avo va ngu dziti, gukhuga ni guema gukhavo, nayo wa Nungungulu wa gu ruma gukhuwo vatshavbo ava va vbanyago kharalo, va ngu fanedwa khu gufa. Aholu, kha va hegeli basi gu gira silo sesi, va gu pata ni guzundza vale va vbanyago navo kharato.

1 Vakorinto 6:10

ni dzimbafa, ni va nya ligungo, ni dzibewudzi, ni va nya milembo, ni va nyambana milayo, gima kha va na bela Mufumoni wa Ndzadzini.

Vaefeso 5:5

Dzitini gwadi gukhenu muthu nya wubhayi, nya liphuphulu ni ligungo, ni va nya gukhozela vanungungulu nya malipha, gima kha va na hodza thomba mufumoni wa Kristo ni wa Nungungulu.

Dhewuteronome 29:19

Ni wevbini a na pwago magana nya givalo gegi a nga dzi khusedzi khu monyoni gwaye, khuye: Nyi na mana gurula, ambari nya gu gimbila khu ndzila nya guwegele yi godwago khu monyo wangu; kholu, talo nya mati wu na tshima lidora.

Dhewuteronome 32:19

Pfhumu Nungungulu a si wonide a gu goroga, a mu diga, na gu goroswa khu sanana sawe nya sikhwathana niso nya sagadzyana.

Vakolosi 3:5

Songani myonyoni gwanu gunavela gwatshavbo nya wuthu wa mafuni: Wubhayi, horo, wuphuphulu, mahingigedzo nya guvivbe ni ligungo a gu idzosaye ni gu khozela vanungungulu nya malipha.

Jakobe 4:13

Olu, upwani, enu mu ganelago, khenu: “Muhuno, mwendro mindru hi na hongola dhoropani nya gukari hi ya khala mwaga, hi gira wugwewo wathu, hi mana nya singi.”

Jakobe 4:16

Aholu, enu mu va nya matshandza, mu vbanyago khu gu dzi khusedza, kharato, khandri gwadi.

1 Johane 2:15

Mu nga goli litigo, ambari esi si guromo tigoni. Muthu a gu gola litigo, lihaladzo la Babe li mwalo avbo gwaye.

Valamuli 17:2

a di ganela ga mayi waye, khuye: “Gyuma nya likhumi na limwedo mazana (1.100) singerengere nya parata u nga bani u wandredwe u nga kala u ganela guvivba khu kotani nya igyo, kheni nyi gu nagyo.” Khavbo avbo, mayi waye a di mu embela, khuye: “Pfhumu Nungungulu a na gu kategise, mwanangu.”

1 Samuweli 23:21

Sawule a di hakha, khuye: “Pfhumu Nungungulu a na mi kategise khu kotani nya gu nyi pweleni wusiwana.