Dhaniyeli 9:6 - Bhibhiliya Nya Guage

⁶ Kha ha yingisa malito ya vaprofeti, sithumi sago, va ganedego khu lina lago ga vafumeli vathu, ga vathangeli vathu, ga vababe vathu, kha nga gambe ga vathu vatshavbo va tigoni.

Dhaniyeli 9:6 Iomraidhean Croise

2 Dzipfhumu 18:12

Esi si giregide kholu va ngamba yingisa lito la Pfhumu Nungungulu wawe, aholu va di hambanisa gidzumeledzwano gyaye ni sileletelo satshavbo va nga leletedwago khu Mosi, githumi gya Pfhumu Nungungulu, gima kha va nga si yingisa ambari gu si gira.

2 Dzikoronika 33:10

Pfhumu Nungungulu a di ganela ni Manasi gumogo ni vathu vaye, aholu avo gima kha va nga mu yingisa.

Ezira 9:7

Gukhugela matshiguni ya vababe vathu, kala litshigu la muhuno, hi rwade nandru nya wukhongolo, khu kotani nya sighoho sathu, ethu ni vafumeli vathu ni vaphasi vathu, hi ningedwe mandzani ga vafumeli nya va nya mayigo, hi sasedwa khu matshari, hi yiswa wugumbini, hi phangwa, ni gu thedwa dzitshoni dzi nga gu hi fenengedzago dzikhovbeni kha nga hi si wonago muhuno.

Nehemiya 9:30

Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.

Nehemiya 9:32

Gasi olu, Uwe Nungungulu wathu, U Nungungulu nya khongolo U gu ni tshivba yi thavisegidego, U vegedzago gidzumeledzwano ni lihaladzo nya gutumbege; wona nari likhongolo libango leli li thegedego avbo gwathu gukhugela gikhatini ga vafumeli va Asiriya kala na muhuno, ga ethu ni vafumeli vathu, ga vafumeli vathu, ga vaphasi vathu nya mhamba, ga manganagana yathu, ga vaprofeti vathu, ga vababe vathu, ni ga vathu vatshavbo.

Nehemiya 9:34

Vafumeli vathu, vathangeli vathu, vaphasi vathu nya mhamba ni vavelegi vathu, kha va landrisa nayo wago ni sileletelo U va ningidego, esi Uwe u nga va khongotela gu si gira.

Jeremiya 26:5

mwa gumba yingisa gambe magana ya sithumi sangu, vaprofeti, a gu avo nyi mi rumelago gikhati gyatshavbo, gambe kala ni olu mu si va yingisago,

Jeremiya 29:19

Pfhumu Nungungulu a ngu ganela, khuye: Nyi di va rumela sithumi sangu vaprofeti gikhati gyatshavbo, aholu, avo kha va yingisa magana yangu.

Jeremiya 44:16

“Magana u hi embelago nya gukhuwe ma guta khu ga Pfhumu Nungungulu, ethu gima kha hi na gu yingisa!

Jeremiya 7:13

Kha nga olu mu giridego silo satshavbo sesi, a ngu ganela Pfhumu Nungungulu, khuye: Dzinyondro nya dzingi na nyi gu mi kawukani, mu tshikani dzindzeve mu si nyi yingisi, nyi mi ranide mu si nyi hakhi,

Jeremiya 7:24

Kholu kha va yingisa, ambari gu neredza dzindzeve, aholu va di gimbila khu dzindzila nya gutidwe khu myonyo yawe nya guvivbe; va bwelelela hwane wulanga nya guye mbeli.

Dhaniyeli 9:10

kha ha yingisa Pfhumu Nungungulu wathu, ambari gu yingisa milayo u hi ningidego khu ga vaprofeti, sithumi sago.

Dhaniyeli 9:9

Pfhumu Nungungulu wathu, a na ni wuhindzi ni gu tsetselela, ambari hi mu ghohedego,

Matewu 23:37

“Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”

Mithumo 13:27

Vathu va Jerusalema ni vafumeli vawe, khu gumba muti Jesu, va di mu mola, va tadzisela kharato magana ya vaprofeti ma hevbudwago khu dzisabhadho dzatshavbo.