Dhaniyeli 8:8 - Bhibhiliya Nya Guage

⁸ Nyamabhongwe a di phela gu dzi dandrisa ngudzu, aholu avbo a nga dzipwa nari ni tshivba nya yingi, kheho yaye nya yikhongolo yi di fanyega, vbatshani gwaye gu buga dzikheho dzina dzi dandra dzi khedza maphuvbo ya mana ya damboni.

Dhaniyeli 8:8 Iomraidhean Croise

2 Dzikoronika 26:16

Aholu avbo a nga wona nya gukhuye a na ni tshivba, monyo waye wu di dzi khusedza wu gira matshandza, a hambanisa Nayo wa Pfhumu Nungungulu waye, kholu a di bela Nyumbani ga Pfhumu Nungungulu gasi guya vbisa libani vbagiluvelotunu nya libani.

Esiteri 9:4

Kholu Moridhekayi a diri ni gikhalo nya gukhugege vbawufumutunu, ni ndruma yaye, yi di phalalegide ni mayigo yatshavbo ya mufumeli; Moridhekayi a diya na gu engedzelana gu dandriswa a mana wugulu nya wukhongolo.

Jeremiya 49:36

Khu dzikhona dza dzina dza damboni nyi na rumela Elamo dziphuvbo dzina, nyi na va phalalegisa ga maphuvbo yatshavbo yoyo; gu mwalo litigo gu na gumba bela valuveli.

Jeremiya 5:27

Dzinyumba dzawe dzi tade khu wukanganyisi, kha nga gikayela nya gutale khu sinyoni si modwego, khu kotani nya isoso va engedzelago gu khala sitetema.

Ezekiyeli 16:7

Eni nyi di gu dandrisa kha nga pfhundre wa thembweni. U di dandra u andra, u khala mbiri nya gumbure ngudzu, mavele yago ma di ema, ni ndzudzu wago wu di dandra; aholu uwe khwa nga ambala gilo, u diri wumbwiri.

Ezekiyeli 28:9

Ina u na ganela mbeli ga wule a na gu songago, khuwe: Eni kheni Nungungulu, gani? Kholu uwe mandzani ga vale va gu songago, u muthu basi, khuri Nungungulu.

Dhaniyeli 11:4

Gambe avbo a na gu dzipwago na tiyide gwadi, mufumo waye wu na pfhungumudwa wu kabaniswa khu sipandre sina sa ndzadzini. Kha wu na thaphela ga situgulwana saye, ni mufumo wakone kha wu na nga mana tshivba nga guhegulani, kholu wu na sigudwa wu ningedwa vambe.

Dhaniyeli 4:31

Avbo mufumeli a nga bani nasi vbedzi gu ganela, gu di pwala lito khu ndzadzini, khilo: Mufumeli Nabhukodhonosori, mufumo wago wu dusidwe.

Dhaniyeli 5:20

Aholu avbo a nga phela gu dzi dandrisa, a di bangisa hungo waye wu tala khu matshandza, a di duswa vbagikhalotunu gwaye nya wufumu, a dzegedwa wudhumo waye.

Dhaniyeli 7:2

Dhaniyeli a di ganela, khuye: Na nyi lade ligovbeni, nyi di lora nyi wona dziphuvbo dzina dza ndzadzini na dzi gu dwana ni linene.

Dhaniyeli 7:6

Khu hwane nya isoso, nyi di simama gu khedza nyi wona gimbe girengo nya gufanane ni likhamba, na giri ni mambapi mana nya ginyoni magatani gwaye. Girengo gegi gi diri ni mihungo mina, na gi ningidwe tshivba nya gufume.

Dhaniyeli 8:22

Kheho yi nga fanywago, wulangani gwaye gu buga dzikeho dzina, gu yeyedza gupwani gu na duga mifumo mina khu litigo la limwedo, aholu yi na bani yiri mwalo tshivba nya nga yaye.

Dhaniyeli 8:5

Na nyi nga gu wona gisamadziso gegi, nyi di wona nyamabhongwe na guta khu Pfoladambo, a tsemakanya litigo latshavbo nyamba gandra mafu; nyamabhongwe yoyu, a diri ni kheho nya yikhongolo mahoni gwaye.

Dhaniyeli 8:7

Nyi di wu wona na wu guta khu gigaha wu ta ghumula hamba khu tshivba wu yi bayisa, dzi fanyega dzikheho dzaye dza dzimbili. Hamba kha ya nga mana gambe tshivba nya gudwane naye; nyamabhongwe wu di yi thesa vbavbatshi, wu yi gandredzela khu migondro, mwalo a nga dzi kodzago gu vbulugisa hamba mandzani ga nyamabhongwe.

Matewu 24:31

A na rumela dzingilozi dza Nungungulu gu womba pundru nya gudzume ngudzu, gasi gu tombanisa sihathwa sa maphuvbo yatshavbo ya mana, gukhugela mahegiso kala mahegiso nya mafu.

Marko 13:27

A na rumela dzingilozi dzaye gasi guta tombanisa sihathwa sa maphuvbo yatshavbo ya mana, gukhugela mahegiso nya litigo kala mahegiso nya ndzadzi.

Dhewuteronome 31:20

Gikhati nyi na va bedzago ga litigo eli nyi li sambanyedego ga vababe vawe, litigo li gogago mahwe ni wulombe, mu na ya hodza mu khura, gambe mu naya ena. Aholu va na phela guya khozela vambe vanungungulu, va nyenya Eni, va hambanisa gidzumeledzwano gyangu.

Gutuledwa 7:1

Khavbo avbo, nyi di wona dzingilozi dzina dza Nungungulu na dzi emide mudzikhonani dza dzina nya mafu, na dzi pharide maphuvbo ya mana nya litigo, gasi phuvbo yi si furugedzi tigoni, ni matini ya phwani ambari misimboni.