Dhaniyeli 7:1 - Bhibhiliya Nya Guage

¹ Khu mwaga nya guhegule nya gufume ga Bhalitazari, mufumeli wa Bhabhiloni, Dhaniyeli a di lora nari ligovbeni, a wona giwoniso. Uye a di dzegela gu lova ndroro yoyo, bwelo khavbo a sasamedzela dzindrima dzakone.

Dhaniyeli 7:1 Iomraidhean Croise

Genesi 15:1

Hwane nya satshavbo sesi, Pfhumu Nungungulu a di wonega ga Abrama a mu embela, khuye: “U nga thavi Abrama. Eni kheni Muvhikeli wago; u na hakha tshatshazelo nya yikhongolo ngudzu.”

Genesi 46:2

Nungungulu a di ganela ga Jakobe khu ndroroni ni vbakari nya wutshigu, khuye: “Jakobe! Jakobe!” Uye a di hakha, khuye: “Nyi womo avba.”

Joba 4:13

Vbakari nya Wutshigu avbo vathu va ladego, nyi di wona dzindroro ni mihari-hari,

Isaya 30:8

Khu guralo, olu dzega lipulango u lova mahungu yaya na va gu gu wona, ma love gambe libhukuni nya gukari; gasi ma kodza gu khala wufakazi kala gupindruga.

Isaya 8:1

Pfhumu Nungungulu a di nyi embela, khuye: “Dzega gileti nya gikhongolo u lova khu malovelo nya guwonege, khuwe: Vbiredzela-Guphanga-Vbiredzela-Gusasela.”

Jeremiya 23:28

Pfhumu Nungungulu a ngu ganela kharati, khuye: “Muprofeti a lorago ndroro a na yi tshamusele, aholu uye a gu ni giningwa nya gupwe magana yangu a na ma huwelele khu gutumbega. Khu ginani mu pfangago muru ni sivbila?”

Jeremiya 27:7

A na thumedwa khu vathu nya mayigo yatshavbo, uye, sanana saye gumogo ni situgulwana saye, kala gu vboha gikhati mayigo nya mangi ni mifumo nya yikhongolo yi na mu girago khumbi.

Jeremiya 36:32

Jeremiya a di dzega limbe libhuku a li ningela ga mulovi Bharuki, mwamana wa Neriya, Jeremiya a di mu embeledzela gambe magana yatshavbo ma nga bani ma lovidwe libhukuni nya guhegule eli li nga vbiswago khu Jowakimi, mufumeli wa Judha. Ma engedzedwa gambe mambe mahungu nya gutale ma fananago naya nya guhegule.

Jeremiya 36:4

Khavbo avbo, Jeremiya a di rana Bharuki, Mwamana wa Neriya, gasi a lova umo nya libhuku, magana yatshavbo Jeremiya a na gu mu embeledzelago a nga rumedwago khu Pfhumu Nungungulu.

Ezekiyeli 1:1

Khu litshigu nya livbandre, nya ngima nya wu na, nya mwaga nya magumararu, eni nyi diri vbakari ga vale va vbagedwego, vbafuvbi ni tsongo wa Kebhari, gu di tulega ndzadzini, nyi di wona siwoniso khu ga Nungungulu.

Ezekiyeli 40:2

Khu siwoniso, Nungungulu a di nyi yisa tigoni ga Israyeli, aya nyi vega gigomoni nya gulaphe ngudzu; avbo khu Marandzi gakone, gu diromo dzinyumba nya sitezi dzi nga bani dzi fanana ni lidhoropa.

Dhaniyeli 1:17

Nungungulu a di ninga madzaha yaya nya mana, guti ni gu pimisa ni wugengeli nya milowo yatshavbo. Gu diga nya isoso, Dhaniyeli a di mana mapimo nya gutshamusele mafumbu yatshavbo nya siwoniso ni dzindroro.

Dhaniyeli 2:1

Khu mwaga nya wuvili nya gufume ga Nabhukodhonosori, uye a di lora dzindroro, a hambanega khidzo mapimo a si mani ligovbe.

Dhaniyeli 2:26

Mufumeli a di wudzisa Dhaniyeli, a nga bani na gu ranwa gambe pwani khu Bhalitazari, khuye: “Ina uwe u nga dzi kodza gu nyi pwadzela ndroro nyi nga yi wonago ni gu nyi ninga tshamuselo waye, gani?”

Dhaniyeli 4:13

Umo nya siwoniso sangu na nyi lade dawuni gwangu, nyi di wona moyo nya muwoneleli, ngilozi, nya guage na yi relela khu ndzadzini,

Dhaniyeli 4:5

Na nyiri ligovbeni, nyi lora ndroro yi nga nyi thavisago, hungo wangu wu di hambanega mapimo khu kotani nya siwoniso nyi nga si wonago.

Dhaniyeli 5:1

Mufumeli Bhalitazari, a di gira buzo nya khongolo ngudzu a girela likhumi mazana (1.000) dzindruna dzaye, a sela navo wadwa.

Dhaniyeli 5:22

Gasi uwe Bhalitazari, mwanaye u nga khalago wulangani gwaye, ambari ulo u nga si wonago satshavbo soso, kha wa dzi sodzisa monyoni gwago.

Dhaniyeli 5:30

Khu wutshigu wowo kamwe, a di songwa Bhalitazari, mufumeli wa Vakalidhiya.

Dhaniyeli 7:13

Umo nya siwoniso sangu nya wutshigu, nyi di wona na guta khu mapfhini ya ndzadzini, moyo nya gufanane ni mwamana wa muthu. Ata ga wule a nga bani ari lidhota khu gale, va mu hidzimisa vbafuvbi gwaye.

Dhaniyeli 7:15

Eni Dhaniyeli, hefemulo wangu wu di vbela tshivba, kholu siwoniso sesi si di nyi thurugisa.

Dhaniyeli 7:7

Khu guhegisa, nyi di simama gu khedza nyi wona siwoniso nya wutshigu, nyi di wona girengo nya wu na, na giri ni tshivba nya guthise, na giri ni magwaha mana nya makhongolo nya gikete; igyo gya gu vbadzulela gu tshala khu sipandre, isoso si tshalago gi gandredzela khu migondro. Igyo gi di hambanide ni simbe sirengo si nga wonegago khu hwane gwaye na giri ni likhumi dzikheho.

Dhaniyeli 8:1

Khu mwaga nya wuraru nya gufume ga mufumeli Bhalitazari, eni Dhaniyeli, nyi di woniswa giwoniso nya wuvili hwane nya gile nya guhegule.

Joyele 2:28

Khu hwane nya isoso, Eni nyi na guhula Liphuvbo langu vbatshani ga vathu vatshavbo. Sanana sanu nya sikhwathana niso nya sagadzyana si na profeta, sikhosane sanu si na lora dzindroro, madzaha yanu ma na wona siwoniso.

Amosi 3:7

Khu lisine, Pfhumu Nungungulu, kha na gira gilo nyamba phela khu gu ninga giwoniso ga sithumi saye, a gu vaprofeti.

Habhakuka 2:2

Khavbo avbo, Pfhumu Nungungulu a di nyi phindrula, khuye: Lova giwoniso gegi vbasiwindritunu khu malovelo nya guwonege gwadi, gasi gi kodza gu hevbudwa khu vatshavbo ambari ni wule a vbindrago khu gututuma a kodze nuye gu gi hevbula.

Mitengo 12:6

A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.

Varoma 15:4

Kholu satshavbo si guromo omu nya Milowo nya Guage si lovedwe gu khala gihevbudzo gwathu, gasi hi mane gutumba khu kotani nya gutimisele hi gu manago umo nya Milowo nya Guage.

2 Vakorinto 12:1

Kha gu vbwetegi gu ganela gambe khu mahungu nya gu dzi zundze. Khu guralo, nyi na ganela khu siwoniso ni gutuledwa khu Pfhumu.

Gutuledwa 1:19

Khu kharato, lova iso u nga si wona: Iso si guromo olu, niso si na gu giregago hwane nya esi.

Gutuledwa 10:4

Ga gikhati gile, nyi di vbweta gu lova, aholu nyi dipwa lito nya gute khu ndzadzini li nyi embela, khilo: “Vegedza sihaloni iso si nga ganedwago khu livbandre na mavili mabara. U nga lovi gilo.”