Dhaniyeli 6:8 - Bhibhiliya Nya Guage

⁸ Gasi olu uwe mufumeli, vega nayo yoyu u wu sayina gasi wu si vbindrugedzwi, kha nga idzo wu rumago khidzo nayo wa Vamedhi ni Vaperesi, owu wu si kodzwigo gu vbindrugedzwa.

Dhaniyeli 6:8 Iomraidhean Croise

Esiteri 1:19

Aholu uwe mufumeli, wa gu dzumela gira, kharati: Dusa khwepa nya nayo wu lowa umo nya milayo ya Vaperisiya ni Vamedhi, gasi wu si vbindrugedzwi. Laya gukhuwe Vhasiti a si hidzimeli gambe vbafuvbi gwago uwe mufumeli Asuwero. Gasi uwe mufumeli vbweta mumbe u mu wonago na lulamide gu vbindra Vhasiti, a ta khala pfhumugadzi yago.

Esiteri 3:12

Khu litshigu nya likhumi na mararu nya ngima nya guhegule, gu di ranwa vatshavbo valovi va mufumeli, va ta leletedwa khu Hamani gu lova khwepa nya nayo wu rumedwa ga dzindruna dzatshavbo, ga vathangeli nya sipandrengulu, ga manganagana nya lifumbu ni lifumbu, wu rumedwa ga gipandrengulu ni gipandrengulu, khu malovelo nya idzo va lovago khidzo lifumbu lolo, gumogo ni lidimi lawe. Na wu lovidwe khu lina la mufumeli Asuwero, wu vetwa gitambo khu phera ya mufumeli, wu rumedwa.

Esiteri 8:10

Nayo wakone wu di lowa khu lina la mufumeli Asuwero, li vetwa gitambo nya phera ya mufumeli; mikhwepa yi rumedwa khu myango na va khilede dzikavalu nya mufumo, nya mazambo ngudzu, nya gudugele mavbandroni ya mufumeli.

Esiteri 8:3

Khavbo avbo, Esiteri a di bwelela gambe a ya thega migondroni ya mufumeli na gu lila, a lomba mufumeli gasi a thindrekisa makungo nya wuvivbi nya gusongwe Vajudha ma nga bani ma lugidwe khu Hamani, Muagagi.

Esiteri 8:8

Enu nenu, lovelani Vajudha, khu lina langu eni mufumeli, kha nga idzo mu si wonago na si gu yela gu wonani gwanu, mu bwelo mu vega gifungo nya phera yangu, kholu lidangalila mu lovago la gu lowa khu lina langu eni mufumeli gambe nayo wu si kodzigo gu vbindrugedzwa.”

Dzindzimo 94:21

Avo va gu luga gikungo nya guwugele muthu nya gululame va kona wule a gu mwalo nandru.

Isaya 10:1

Libango ga vale va emisago milayo nyambasi yadi, avo va lovago milayo nya gutshanise,

Dhaniyeli 5:28

PERESI: Gu tshamusela gupwani: Mufumo wago, wu na kabaniswa khu vbakari wu ningedwa Vamedhi ni Vaperesi.

Dhaniyeli 6:12

Khavbo avbo, va di hongola vaya tivisa mufumeli, khavo: Ina avbo nya khwepa wago u nga wu dusago, khwa sayina u tiyisa nayo nya gukhuwe watshavbo muthu a na gu girago gilombo ga mumbe nungungulu mwendro ga mumbe muthu, ndrani nya magumararu matshigu, vbavbandze gwago uwe mufumeli, a na dzegwa a rinywa phalani nya dzinghala, gani? Mufumeli a di hakha, khuye: “Mahungu yaya ma tiyide gukhedza khidzo wu rumago khidzo nayo wa Vamedhi ni Vaperesi, wu si kodzwigo gu vbindrugedzwa.”

Dhaniyeli 6:15

Khavbo avbo, vama vale va di hongola ga mufumeli va ya mu embela, khavo: “Pimisa gwadi uwe mufumeli, nya gukhuwe idzo wu rumago khidzo nayo wa Vamedhi ni Vaperesi, mwalo khwepa mwendro sileletelo si hungwago khu mufumeli, si kodzago gu vbindrugedzwa.”

Matewu 24:35

Yi na vbindra ndzadzi ni mafu, aholu mahungu yangu gima kha ma na vbindra.