Dhaniyeli 5:6 - Bhibhiliya Nya Guage

⁶ Khavbo avbo, mufumeli a di vbindrugedza khovbe a thuruga khu hwanga, a hambanega mapimo, dzinyonga dzaye dzi tsekatseka, ni mazolo yaye ma ghumana.

Dhaniyeli 5:6 Iomraidhean Croise

Dzindzimo 22:14

Nyi vbaladzidwe vbavbatshi kha nga mati, marambo yangu yatshavbo ma gu kunugela; monyo wangu wa gu fanana ni sera yi nyiviligago ndrani gwangu.

Dzindzimo 69:23

Ma na pfhupele maho yawe, gasi ma si woni; mihwambo yawe yi na ndrendremele gikhati gyatshavbo.

Isaya 35:3

Tiyisani mawogo ma garadego, mu tiyisedza dzikhungumudzi dzi rerekidego.

Isaya 5:27

Vbakari gwawe mwalo a na ta vbohago na garade mwendro gurereka; mwalo a na wotelago ambari gulala, ni mabhandri yawe, kha ma na tshulega siwununi gwawe, ambari gutshulega dzingodzi nya silato sawe.

Jeremiya 50:43

Avbo mufumeli wa Bhabhiloni, a nga pwago ndruma yawe, a di pilega hwambo a vbela tshivba, a tedwa khu rerema, a vbisega kha nga nyamayi a lumwago.

Ezekiyeli 21:7

“Gikhati va na gu wudzisago, gukhavo: Wa gu lilela ginani? U na va hakha, khuwe: Kotani nya mahungu maphya matago. Gikhati matago myonyo yatshavbo yi na titivala, mandza yatshavbo ma na hogolega, hefemulo watshavbo wu na titivala khu rerema, ni dzikhungumudzi dzatshavbo dzi na khala kha nga mati; wonani gukhenu si nguta, gambe si na girega; a ngu ganela Pfhumu Nungungulu.”

Ezekiyeli 7:17

Mawogo yawe ma na khala wugara, ni dzikhungumudzi dzawe, dzi na ruta mati.

Dhaniyeli 2:1

Khu mwaga nya wuvili nya gufume ga Nabhukodhonosori, uye a di lora dzindroro, a hambanega khidzo mapimo a si mani ligovbe.

Dhaniyeli 3:19

Khavbo avbo, Nabhukodhonosori a di tala khu giviti khu gu wona Sadraki, Misaki ni Abhedhi-Negho, yi vbindrugedza ni khovbe yaye. A di ninga nayo nya gukhuye gidhingiselo nya nilo gi engedzedwa gu dzuriswa livbandre na dzimbili dzinyondro guvbindra idzo gi dzuriswago khidzo,

Dhaniyeli 4:19

Khavbo avbo, Dhaniyeli, a nga bani na gu ranwa khu lina la Bhalitazari, a di huye kape gikhati nya gulaphe, na gu thava khu maalakanyoni gwaye. Khavbo avbo, mufumeli a di mu embela, khuye: “Bhalitazari, u nga thurugiswi khu kotani nya ndroro ni tshamuselo yaye.” Bhalitazari a di mu hakha, khuye: Mune wangu, ndroro yeyi yi na thonone avo va gu zondrago, ni tshamuselo waye wu na thonone valala vago!

Dhaniyeli 4:5

Na nyiri ligovbeni, nyi lora ndroro yi nga nyi thavisago, hungo wangu wu di hambanega mapimo khu kotani nya siwoniso nyi nga si wonago.

Dhaniyeli 5:5

Khu gikhati gyogyo, gu di dugelela dzinyala nya libogo nya muthu, dzi lova avbo nya ndzari yi khedzanago ni nyumba ya mufumeli, vbafuvbi ni dzikandriya; mufumeli a di wona gyandza gi nga bani na gi gu lova.

Dhaniyeli 7:28

Gi di vbela avba giwoniso gyangu. Eni Dhaniyeli, nyi di vbisega ngudzu mapimoni gwangu gu vbindrugedza ni khovbe yangu, aholu silo sesi, si di khala monyoni gwangu, nyamba embela muthu.

Nahume 2:10

Lidhoropa la Ninivha liphanga! Li mwalo gambe, li mbembisidwe, li khade marumbi; monyo wu rerekide, dzikhungumudzi dza gu khuyugela ni siwunu sawe satshavbo sa gu ndrendremela ni dzikhovbe dzawe dzatshavbo dzi thuvigide.

Vahebheru 12:12

Khu guralo, khusedzani mandza ma garadego, mu gu tiyisa dzikhungumudzi dzi vbedego tshivba.