Dhaniyeli 5:5 - Bhibhiliya Nya Guage

⁵ Khu gikhati gyogyo, gu di dugelela dzinyala nya libogo nya muthu, dzi lova avbo nya ndzari yi khedzanago ni nyumba ya mufumeli, vbafuvbi ni dzikandriya; mufumeli a di wona gyandza gi nga bani na gi gu lova.

Dhaniyeli 5:5 Iomraidhean Croise

Joba 20:5

wudhumo wa va nya guvivbedwa khu monyo kha wuyi danga, ni gunengela nya sighohi, khwa matshigwanyana, gani?

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Jeremiya 50:43

Avbo mufumeli wa Bhabhiloni, a nga pwago ndruma yawe, a di pilega hwambo a vbela tshivba, a tedwa khu rerema, a vbisega kha nga nyamayi a lumwago.

Dhaniyeli 4:31

Avbo mufumeli a nga bani nasi vbedzi gu ganela, gu di pwala lito khu ndzadzini, khilo: Mufumeli Nabhukodhonosori, mufumo wago wu dusidwe.

Dhaniyeli 4:33

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

Dhaniyeli 5:15

Va ngari gu resa mbeli gwangu, vagengeli ni va nya sikwembu, gasi guta hevbula milowo ni gu nyi ninga tshamuselo waye, aholu ni moyo wawe kha dzi kodza gu nyi ninga tshamuselo nya magana yaya.

Dhaniyeli 5:4

Avbo va nga levago khu wadwa, va di phela gu rungudza vanungungulu vawe nya ndralama, nya parata, nya sugu, nya dzisimbi, nya misimbo ni siwindri.

Dhaniyeli 5:6

Khavbo avbo, mufumeli a di vbindrugedza khovbe a thuruga khu hwanga, a hambanega mapimo, dzinyonga dzaye dzi tsekatseka, ni mazolo yaye ma ghumana.

Dhaniyeli 5:8

Khavbo avbo, gu dita vagengeli vatshavbo va mufumeli; aholu avo kha va nga ta kodza gu hevbula milowo yi nga bani yi lovidwe, ambari gu ninga tshamuselo wawaye ga mufumeli.

Vakolosi 2:14

Uye fuviside lidangalila nya nandru li nga bani li gu hi thuledza, a li futa khu gu li khokhothela vbagihambanotunu.