Dhaniyeli 5:2 - Bhibhiliya Nya Guage

² Avbo Bhalitazari a nga bani na gu sela wadwa, a di rumela gukhuye guya dzegwa dzikhokho nya ndralama nidzo nya parata iso babe waye Nabhukodhonosori a nga dzi dusago khu Nyumbani ga Nungungulu, yi nga bani na yiri Jerusalema, gasi ata sela khidzo wadwa mufumeli, dzindruna, vagadzi ni sibhayi saye.

Dhaniyeli 5:2 Iomraidhean Croise

2 Samuweli 9:7

Khavbo avbo, Dhavhidhe a di mu embela, khuye: “U nga thavi, nya gu vbweta gu gu girela wuhindzi, khu kotani ya babe wago Jonatane, nyi na gu bweledzela wulime watshavbo wa kokwe wago Sawule, gasi uwe nyi na hodza nago mbiyani gwangu gikhati gyatshavbo.”

2 Dzipfhumu 24:13

A di dzega vbale thomba yatshavbo ya Nyumbani gwa Pfhumu Nungungulu, ni yatshavbo thomba ya nyumbani ga mufumeli; a pandrelela sombo satshavbo nya ndralama, si nga girwago khu Solomoni mufumeli wa Israyeli, Nyumbani gwa Pfhumu Nungungulu, kha nga idzo a nga bani na ganede khidzo Pfhumu Nungungulu.

2 Dzipfhumu 25:15

Muthangeli nya vawoneleli, a di dzega gambe sombo nya guthele magala nya guvbise libani, sinamelo ni satshavbo iso si nga bani siri sa ndralama, ni satshavbo si nga bani siri sa parata.

2 Dzikoronika 11:20

Hwane gwaye a di dzega Mahaka, nyamahegyana wa Abhisalamo, uye a di mu velegela sanana sesi: Abhiya, Atayi, Ziza ni Selometi.

2 Dzikoronika 15:16

Mufumeli Asa, a di dusa mayi waye Mahaka, wulangani nya wupfhumugadzi, kholu uye nuye a di giride gifananiso gya Asitaroti, Asa a di mu khungumulela gifananiso gyaye, aya gi vbisa kovani wa Sedhroni.

2 Dzikoronika 36:10

Guvbelani nya mwaga yoyo, mufumeli Nabhukodhonosori a di rumela gu va mu mola va mu yisa Bhabhiloni, gumogo ni sombo nya singi nya sugu nya lisima sa Nyumbani ga Pfhumu Nungungulu; a vega ndriyaye Zedhekiya a khala mufumeli wa Judha ni Jerusalema.

2 Dzikoronika 36:18

Sombo satshavbo sa Nyumbani ga Nungungulu, nya sikhongolo niso nya sidugwana, dzithomba dza Nyumbani ga Pfhumu Nungungulu, dzithomba dza mufumeli ni manganagana yaye, a di dzega satshavbo a si yisa tigoni ga Bhabhiloni.

Ezira 5:14

Ambari ni mikanvu nya ndralama ni parata sa Nyumbani ga Nungungulu, esi Nabhukodhonosori a nga si phanga Nyumbani ga Nungungulu yi nga bani yiri Jerusalema, aya si vega nyumbani ga vanungungulu va Bhabhiloni, si dzegidwe si ningedwa mwama moyo nya gupwani khu Sesibhazari, uye a nga mu emisago gu khala mwamangulu.

Jeremiya 27:7

A na thumedwa khu vathu nya mayigo yatshavbo, uye, sanana saye gumogo ni situgulwana saye, kala gu vboha gikhati mayigo nya mangi ni mifumo nya yikhongolo yi na mu girago khumbi.

Jeremiya 50:35

Vakalidhiya va na sasedwa khu matshari, a ngu ganela Pfhumu Nungungulu, ni vatshavbo vavbanyi va Bhabhiloni, vathangeli ni vagengeli vawe.

Jeremiya 52:19

Muthangeli nya vaemeledzi a di phanga gambe ni dzimbiya nya guvbisele umo libani, dzikhali, dzimeza nya dzikandriya, mikho ni sikombe; satshavbo sombo sesi si di wumbidwe khu ndralama nya guhutwe ni parata nya gukhedzige.

Dhaniyeli 1:2

Pfhumu a di ningela Jowakimi mandzani gwaye. Mufumeli wa Bhabhiloni a di dzega mufumeli wa Judha a gu hongola naye tigoni ga Sinari, gumogo ni gipandre nya sombo sa Nyumbani ga Nungungulu, a si yisa nyumbani ga nungungulu waye, aya si vega nyumbani nya thomba ya nungungulu waye.

Dhaniyeli 5:11

Womo mwama moyo vbakari nya mufumo wago a gu ni liphuvbo la vanungungulu va agidego; matshiguni ya babe wago, gu di manwa avbo gwaye wenengedzo, gupimisa ni wugengeli, nya gufanane ni wugengeli wa vanungungulu. Babe wago, mufumeli Nabhukodhonosori, a mu emiside gu khala muthangeli nya dzinyanga, nya va nya sikwembu, nya Vakalidhiya, ni va nya gulola dzisolo.

Dhaniyeli 5:13

Khavbo avbo, Dhaniyeli a di reswa mbeli ga mufumeli. Mufumeli a di wudzisa Dhaniyeli, khuye: “Ina khuwe Dhaniyeli, moyo nya vale nya dzikhumbi dza Judha, mu nga reswago khu mufumeli, babe wangu khu tigoni ga Judha, gani?

Dhaniyeli 5:18

Uwe mufumeli, Nungungulu a Khusegidego ngudzu, a di ninga babe wago Nabhukodhonosori, mufumo, wugulu, wudhumo nya gusamadzise.

Dhaniyeli 5:23

U di bwelo khavbo u wugela Pfhumu ya ndzadzini. U di rumela guya dzega sombo sa nyumbani gwaye sita avbo gwago, ni ga dzindruna, vagadzi vago ni sibhayi sago mu ta sela khiso wadwa; gudiga nya isoso, u di bwelo khavbo u rungudza vanungungulu nya parata, nya ndralama, nya sugu, nya dzisimbi, nya misimbo ni siwindri, va si wonigo, nya mbapwa, ni gumbati. Aholu Nungungulu uye a pharidego womi wago, ni dzindzila dzago dzatshavbo, khu theli kota khuye gu mu dhumisa.

Dhaniyeli 5:3

Khavbo avbo, va di mu resela sombo nya ndralama si nga duswago khu Nyumbani gwa Nungungulu, yi manegago Jerusalema, vata sela khiso mufumeli ni dzindruna dzaye, vagadzi ni sibhayi saye.

Dhaniyeli 5:30

Khu wutshigu wowo kamwe, a di songwa Bhalitazari, mufumeli wa Vakalidhiya.

Dhaniyeli 5:4

Avbo va nga levago khu wadwa, va di phela gu rungudza vanungungulu vawe nya ndralama, nya parata, nya sugu, nya dzisimbi, nya misimbo ni siwindri.

Mitengo 7:79

A di ningela mbiya mweyo nya parata, nya pimo nya lizana ni magumararu (130) dzisekeli, ginamelo gimwegyo nya parata, nya pimo nya livbandre na mavili magumi dzisekeli, mayelano khu pimo nya sekeli ya Wulangani nya Guage; satshavbo na si tade khu wuguvbi nya wadi, nya gusugwe khu mafura, gasi gu gira ningelo nya guhodze;