Dhaniyeli 5:18 - Bhibhiliya Nya Guage

¹⁸ Uwe mufumeli, Nungungulu a Khusegidego ngudzu, a di ninga babe wago Nabhukodhonosori, mufumo, wugulu, wudhumo nya gusamadzise.

Dhaniyeli 5:18 Iomraidhean Croise

2 Dzipfhumu 25:28

A di bhula naye gwadi a mu khusedza vbatshani ga vafumeli vatshavbo avo a nga bani ari navo Bhabhiloni.

Dzindzimo 47:2

Kholu Pfhumu Nungungulu khongolo ngudzu, khuye Mufumeli nya khongolo nya litigo latshavbo.

Dzindzimo 7:17

Nyi na bonga Pfhumu Nungungulu khu gululama gwaye, nyi na embelela nyi rungudza lina la Pfhumu Nungungulu a guromo vbatshani ngudzu.

Dzindzimo 9:2

Nyi na tsaka nyi nengela khu uwe, nyi na dhumisa lina lago khu dzindzimo, uwe u khusegidego vbatshani ngudzu.

Dzindzimo 92:8

aholu uwe Pfhumu Nungungulu, u Khusegide kala gupindruga.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 27:5

Eni nyi giride khu tshivba nya libogo langu, nyi vanga litigo, vathu ni sirengo si wonegago tigoni, nyi ngu si ningela ga wule nyi mu golago.

Jeremiya 27:7

A na thumedwa khu vathu nya mayigo yatshavbo, uye, sanana saye gumogo ni situgulwana saye, kala gu vboha gikhati mayigo nya mangi ni mifumo nya yikhongolo yi na mu girago khumbi.

Gililo 3:35

gu hambanisa dzifanelo dza muthu mbeli gwa Uye a khusegidego ngudzu,

Gililo 3:38

Makategwa ni dzimhango kha si dugi khu kanani ga wule a Khusegidego Ngudzu, gani?

Ezekiyeli 31:11

khu lisine, eni nyi na wu ningela mandzani ga mufumeli nya litigo nya tshivba ngudzu, gasi wu tshaniswe gukhedza khu guvivba wu giridego.

Dhaniyeli 4:17

Gulamula gogu, gu di tiviswa khu dzingilozi, nayo wu leletedwa khu va nya guaga. Gasi avo va vbanyago va dziti gukhavo uye a Khusegidego ngudzu a ngu fuma mifumo yatshavbo nya vathu ni gu ninga ni wevbini a mu golago ambari nari wa gu solega guvbindra vatshavbo, a ngu mu emisa vbakari gwawe.

Dhaniyeli 4:19

Khavbo avbo, Dhaniyeli, a nga bani na gu ranwa khu lina la Bhalitazari, a di huye kape gikhati nya gulaphe, na gu thava khu maalakanyoni gwaye. Khavbo avbo, mufumeli a di mu embela, khuye: “Bhalitazari, u nga thurugiswi khu kotani nya ndroro ni tshamuselo yaye.” Bhalitazari a di mu hakha, khuye: Mune wangu, ndroro yeyi yi na thonone avo va gu zondrago, ni tshamuselo waye wu na thonone valala vago!

Dhaniyeli 4:2

Nyi di wona na si lulamide gu yeyedza siwonegiso ni siliwugiso Nungungulu a khusegidego ngudzu, a si giridego avbo gwangu.

Dhaniyeli 4:32

Uwe u na lundrwa vbakari nya vathu, u ya vbanya gumogo ni sirengo sa khabini, u na hodza mwasi nga sirengo sa khabini gipimo nya livbandre na sivili sikhati, kala u pima nya gukhuwe uye a Khusegidego ngudzu, a ngu fuma mifumo nya vathu ni gu wu dzega a ningela uye a mu golago.

Dhaniyeli 4:34

Aholu, khu hwane nya matshigu yoyo, eni Nabhukodhonosori, nyi di khusa maho nyi khedza ndzadzini, mapimo yangu ma di bwelo khavbo ma wuya, nyi bonga Uye a Khusegidego ngudzu, nyi rungudza ni gu dhumisa uye a vbanyago kala gupindruga, uye mufumo waye wu si vbeligo, wu thaphelago ga mimela ni mimelana.

Dhaniyeli 5:21

A di duswa vbakari nya vathu, a ningwa monyo nya gufanane ni girengo, aya vbanya gumogo ni dziburu nya likhabi, a hodza mwasi nga dzimombe, a naganiswa givili gyaye khu hunguva ya damboni, kala a dziti nya gukhuye Nungungulu a Khusegidego ngudzu a na ni tshivba nya gufumele mifumo nya vathu ni gu emisa vbatshani gwawe uye a mu golago.

Dhaniyeli 6:22

Nungungulu wangu rumede ngilozi yaye yita sega likana nya dzinghala. Idzo kha dza nyi gira gilo, kholu nyi wonidwe na nyiri mwalo nandru mbeli ga Nungungulu. Ambari avbo gwago gimwalo nyi ghohidego.”

Mithumo 26:13

Nyi diri vbakari nya ndzila, amanawe mufumeli, ni vbakari nya mihani, gikhati khigyo nya midiya, nyi di wona gu wenengedza nya gukhongolo, nya gute khu Ndzadzini, nya gungangamele guvbindra lidambo, nyi fenengedzwa khu safa eni ni avo nyi nga bani nyi gu endra navo.

Mithumo 26:19

“Gukhugela avbovbo, amanawe, mufumeli Agiripa, eni gima kha nyi dzi kodzi gu yeyisa giwonegiso gya Ndzadzini.

Mithumo 7:48

Ambari ulo, uye a guromo vbatshani ngudzu kha khali dzinyumbani nya guvbahwe khu mandza nya vathu, kha nga a ganedego muprofeti, khuye:

Dhewuteronome 32:8

Gikhati Uye a Khusegidego ngudzu a nga bani a kabanisela dzithomba mayigo, gikhati a nga bani na kavedzela khu mahundzu sanana sa Adhamu, a di vegedzela mivbingano nya mayigo, gu khedza khu tengo nya sanana sa Israyeli.